އެސްޓިއޯ ގޯދިއްޔާ ފުޓްސަލް ކަޕްގެ ކްއާޓާ ފައިނަލްގެ ފުރަތަމަ މެޗްގައި ވާދަކުރާ ދެ ޓީމަކަށް ޒިލޯން އަދި މާކަރީ ޔުނައިޓެޑް ހަމަޖެހިއްޖެ އެވެ.
މުބާރާތުގެ ގްރޫޕް ސްޓޭޖްގެ މެޗްތައް ރޭ ނިމުނު އިރު ކްއާޓާ ފައިނަލްގެ މެޗްތައް ކުޅުމަށް ހަމަޖެހިފައި ވަނީ ޖުލައި 21 ވަނަ ދުވަހުގެ ރެ އެވެ.
އެރޭގެ ފުރަތަމަ މެޗްގައި 9:30 ގައި ޒިލޯން އަދި މާކަރީ ޔުނައިޓެޑް ބައްދަލު ކުރާއިރު 10:30 ގައި ބައްދަލު ކުރާނީ ޝަންގްރިއްލާ އަދި ޔަންގް ވަންސް އެވެ.
ކްއާޓަ ފައިނަލްގެ 3 ަވަނ މެޗް ގައި ޖުލައި 22 ވަނަ ދުވަހުގެ ރޭ ކުޅޭނީ އެފްސީ އުސްގަޑަ އަދި އެފްވައިސީއެވެ. ކްއާޓާގެ އެންމެ ފަހު މެޗަކަށް ކުޅޭނީ އެފްސީ ރެސްޕެކްޓް އަދި ފްރެންޑްސް ކްލަބްގެ މެޗެވެ.
ގްރޫޕް ސްޓޭޖްގެ މެޗްތައް ނިމުނުއިރު އެންމެ ގިނަ ގޯލް ޖަހާފައިވަނީ ފްރެންޑްސް ކްލަބްގެ މުހައްމަދު ރިއްފަތުއެވެ. ރިއްފަތު 8 ގޯލް ޖަހާފައިވާ އިރު 7 ގޯލާއިއެކު ލަނޑު ލިސްޓްގެ ދެވަނާގައި އޮތީ އެފްސީ ރެސްޕެކްޓްގެ ހަސަން މިފްރާހްއެވެ.
6 ގޯލާއިއެކު ލަނޑު ލިސްޓްގެ 3 ވަނާގައި 3 ކުޅުންތެރިއަކު ހިމެނެއެވެ. އެއީ ޝަންގްރިއްލާގެ އިބްރާހިމް މުހައްމަދު އާއި މަލްޓި ޖީނިއަސްގެ މުހައްމަދު އަހްމަދު އާއި އެފްވައިސީގެ އިބްރާހިމް މަހްދީ ހުސެއިންއެވެ.