އައްޑޫ ސިޓީގެ ބައެއް މަގުތަކާއި ގުޅޭ ގޮތުން މައުލޫމާތު ސާފު ކުރުމަށް ހައުސިން މިނިސްޓަރ ޑރ މުހައްމަދު މުއިއްޒުއަށް މަޖިލިސް މެދުވެރިކޮށް އެދިވަޑައިގެންފިއެވެ.
ގާނޫނު ނަންބަރު 2/2005 ގައިވާ ގޮތަށް ޑރ. މުހައްމަދު މުއިއްޒުއަށް އިބްރާހިމް ދީދީ ހުށަހަޅުއްވާފައިވާ ސުވާލަކީ ތާރުއަޅައިގެން އައްޑޫ ސިޓީގެ ބައެއް މަގުތައް ހެދުމަށް ބަޖެޓް ކުރެވިފައިވާ ފައިސާއިން އެކަމުގެ އަމަލީ މަސައްކަތް އަދިވެސް ފެށިފައި ނުވާތީ އެމަސައްކަތް ކުރިއަށް ގެންދަވަން ހިޔާލުފުޅު ކުރައްވާ ގޮތް އޮޅުން ފިލުވުމަށެވެ.
އިބްރާހިމް ދީދީ ހިތުގެ އާލާސްކަންފުޅަކާއި ގުޅިގެން ގިނަ ދުވަސްތަކެއްވަންދެން ފަރުވާއަށް އުޅުއްވާފައިވަނީ ރާއްޖޭން ބޭރުގައިއެވެ.
ހައުސިން މިނިސްޓްރީގެ ބެލުމުގެ ދަށުގައިވާ އިކުއިޓޯރިއަލް ކޮންވެންޝަން ސެންޓަރު (އީސީސީ) ވިރާނާ ވަމުންދާ މައްސަލާގައި ސުވާލު ކުރެއްވުމަށ މަޖިލިސްއަށް ހާޒިރު ކުރެއްވުމުން ޕީޕީއެމް މެމްބަރުންގެ ހަޅޭކުގެ އަޑާއި އެކު ވަނީ ޖަލްސާ ކުރިއަށް ނުގެންދެވިގެން ހުއްޓާލާފައެވެ.