ކާޑު ސަބްސިޑީ ކަނޑާލައި ކާޑް އަގުބޮޑުކޮށްގެން މަހަކު 13 މިލިއަން ރުފިޔާ ވެސް ދައުލަތަށް ނުލިބޭނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
ނަޝީދު މިއަދު ކުރެއްވި ޓްވީޓެއްގައި ވިދާޅުވީ ކާޑް އަގު ބޮޑު ކުރުމަކީ އިގްތިސާދު ސަލާމަތް ކުރެވޭނެ ފިޔަވަޅެއް ނޫން ކަމަށެވެ.
Kaaduge agu bodukohgen maheh ge mahchah MVR 13 million ves sarukaarah nulibeyne. Mi ee iqthisoqdhu salaamaiy vaane fiyavalheh noon.
— Mohamed Nasheed (@MohamedNasheed) October 6, 2016
ކާޑް ސަބްސިޑީ ކަނޑާލުމާއި ގުޅިގެން މިއަދު ރައްޔިތުންގެ މަޖިލީހަށް ހުށަހެޅި ކުއްލި މައްސަލާގައި ގިނަ މެމްބަރުން ވަނީ ކުރިން އޮތްގޮތަށް ކާޑް ސަބްސިޑީ ދިނުމަށް ގޮވާލާފައެވެ. އޭގެ ތެރޭގައި ސަރުކާރަށް ނިސްބަތްވާ މެމްބަރުންވެސް ހިމެނެއެވެ.
އެމްޑީޕީގެ ޗެއާޕާސަންގެ ނައިބް ވަނީ ކާޑް ސަބްސިޑީ ކަނޑާލުމާއި ގުޅިގެން ރައްޔިތުން ނިކުމެ އަޑު އުފުލުމަށް ގޮވާލާފައެވެ.