އައްޑޫ ސިޓީ ކައުންސިލް އިދާރާގެ މުވައްޒަފުންނަށް ދެ ދުވަހުގެ މުއްދަތަށް ހިންގި "އައިސީޓީ ފޮ އޮފީސް އެޑްމިނިސްޓްރޭޝަން" ޕްރޮގްރާމް ނިންމާލައި، ބައިވެރިންނަށް ސެޓްފިކެޓް ދީފި އެވެ.
ސެޓްފިކެޓް ދިނުމަށް ކައުންސިލް ހިތަދޫ ކެމްޕަހުގައި ބޭއްވި ރަސްމިއްޔާތުގައި ބައިވެރިންނާ ސެޓްފިކެޓް ހަވާލުކޮށް ދެއްވީ އައްޑޫ މޭޔަރު އަބްދުﷲ ސޯދިގް (ސޯބެ) އެެވެ.
ގައުމީ ޔުނިވަސިޓީގެ ހިތަދޫ ކެމްޕަހުގައި ކުރިއަށް ގެންދިޔަ ދެ ދުވަހުގެ ޕްރޮގްރާމަކީ މަސައްކަތުގެ މާހައުލުގައި އާންމުކޮށް ބޭނުން ކުރެވޭ ސޮފްޓްވެއާތަކަށް މުވައްޒަފުންގެ އަހުލުވެރި ކުރުމުގެ ގޮތުން ބާއްވޭ ތަމްރީން ޕްރޮގްރާމެެއް ކަމަށް ކައުންސިލުން ބުންޏެވެ.
ޖުމްލަ 20 މުވައްޒަފުން ބައިވެރިވި ޕްރޮގްރާމްގެ ސެޝަންތައް ނަގައި ދެނީ ކައުންސިލް އިދާރާގެ އައިޓީ ޑިޕާޓްމަންޓްގެ ދެ މުވައްޒަފުން ކަމަށްވާ މުހައްމަދު ލަތީފާއި އަލީ ސަވާދެވެ.