އޮލިމްޕިކްގައި ވާދަކޮށް ރަން މެޑަލް ހޯދާ އެތުލީޓެއްގެ ރޯލް އަކްޝޭ ކުމާރު ކުޅޭ ފިލްމް "ގޯލްޑް" ރިލީޒް ކުރާ ތާރީހު އިއުލާންކޮށްފި އެވެ.
"ޑޮން" އާއި "ދިލް ދަޅަކް ނޭ ދޭ" ފަދަ ފިލްމްތައް ބެލުންތެރިންނާ ހަމައަށް ގެނެސް ދީފައިވާ އެކްސެލް އެންޓަޓައިންމަންޓުން ޕްރޮޑިއުސް ކުރާ މި ފިލްމަށް ދީފައިވާ ނަމަކީ "ގޯލްޑް" އެވެ.
ފިލްމް ލިޔެ، ޑައިރެކްޓް ކުރަނި އާމިރް ހާން ލީޑް ރޯލް ކުޅުނު "ތަލާޝް" ގެ ޑައިރެކްޓަރު ރީމާ ކަތުގީ އެވެ.
"ގޯލްޑް" ގައި ކިޔައި ދެނީ އިންޑިއާ އަށް 1947 ގައި މިނިވަންކަން ލިބުމަށް ފަހު ޖެހިގެން އައި އިރު އޮލިމްޕިކްގައި ވާދަކޮށް، ފުރަތަމަ ރަން މެޑެލް ހޯދަން ކުރި މަސައްކަތެވެ.
Set in 1948, the historic story of India's first Olympic medal as a free nation, #GOLD coming to you on 15th August, 2018! pic.twitter.com/KPAExjtmYz
— Akshay Kumar (@akshaykumar) October 21, 2016
މި ފިލްމް ސިނަމާތަކަށް އަންނާނީ އޮގަސްޓް 15، 2018 ގަ އެވެ. ފިލްމުގެ ފުރަތަަމަ ޕޯސްޓަރު ވެސް މިހާރު ވަނީ ދައްކާލައިފަ އެވެ.
އަކްޝޭގެ ކުރިއަށް ހުރި އިތުރު ފިލްމުތަކުގެ ތެރޭގައި "ޖޯލީ އެލްއެލްބީ"، "ކްރެކް" އަދި "ނާމް ޝަބާނާ" އަދި "ރޮބޮޓް 2.0" ފާހަގަކޮށްލެވެ އެވެ.