ކުރީގެ ރައީސުލް ޖުމުހޫރިއްޔާ މައުމޫން އަބްދުލް ގައްޔޫމް އެމަނިކުފާނުގެ ކޮއްކޯފުޅު، މިހާރުގެ ރައީސް ޔާމީނުގެ ވެރިކަމަށް ކުރެއްވި ތާއީދު މިރޭ އަނބުރާ ގެންދަވާފައިވާއިރު، މިނިސްޓްރީ އޮފް ފިޝަރީޒް، މުހައްމަދު ޝައިނީ އެމަނިކުފާނުގެ ފާޑުކިޔުންތައް މައުމޫނަށް އަމާޒުކޮށްލައިފިއެވެ.
މައުމޫނަށް ފާޑުވިދާޅުވަމުން ޝައިނީ ކުރި ޓުވީޓެއްގައި އެމަނިކުފާނުވެސް ކުރީގެ ރައީސް މުހައްމަދު ނަޝީދު ފަދައިން ގާނޫނު މުގުރައްވާލަނީ ނޫންތޯ ސުވާލު އުފައްދާފައިވެއެވެ.
Isn't president @maumoonagayoom doing exactly what president Nasheed did: BREAKING THE LAW.
— Mohamed Shainee (@mshainee) October 27, 2016
މިނިސްޓަރުގެ މި ޓުވީޓަށް ގިނަ ބަޔެއްގެ ފާޑުކިޔުންތައް އަމާޒުވެފައިވާއިރު ކުރީގެ ޕޮލިސް ކޮމިޝަނަރ އަދި ރައްޔިތުންގެ މަޖިލީހުގެ ކިނބިދޫ ދާއިރާގެ މެމްބަރު އަބްދުﷲ ރިޔާޒު ވަނީ ފާޅުގައި ރައްދު ދެއްވާފައެވެ.
ޝައިނީގެ ޓުވީޓަށް ރިޔާޒު ރައްދު ދެއްވަމުން ކުރި ޓުވީޓެއްގައި ވަނީ މައުމޫން ގާނޫނު މުގުރާލައްވާފައި ނުވާނެ ކަމަށާއި އެމަނިކުފާނުގެ ސިޔާސީ މަސްއޫލިއްޔަތު އުފުއްލަވަމުން ގެންދަވާއިރު ތިބޭފުޅާ ދިފާއު ކުރައްވަނީ ކޮރަޕްޓު ސަރުކާރެއް ކަމަށް ވިދާޅުވެފައެވެ.
No, he is not. He is exercising his political right, while you're defending a corrupt government!
— Abdulla Riyaz MP (@riyazabdulla) October 27, 2016
މައުމޫނުގެ މި ނިންމެވުމާއެކު ރައީސް ޔާމީނަށް ތާއީދު ކުރި ގިނަ މަޖިލިސް މެމްބަރުންނެއް ވަނީ މައުމޫނާއި އެއްގޮތަށް އެމަނިކުފާނުގެ ސަރުކާރަށް ކުރި ތާއީދު އަނބުރާ ގެންދަވައި މައުމޫނާއި އެއްކޮޅަށް އަރާފައެވެ.