ވިލިމާލެ ސަހަރާގައި އަލުން މީހުން ވަޅުލަން ފަށަން މާލޭ ސިޓީ ކައުންސިލުން ނިންމައިފިއެވެ.
ސިޓީ ކައުންސިލުން މިއަދު ކުރި ޓުވީޓެއްގައި ބުނެފައިވަނީ ވިލިމާލޭ ސަހަރާގައި ދެއަހަރާ ބައިވަންދެން މީހުން ވަޅުލުން ހުއްޓައިލާފައިވަނިކޮށް މާލޭ ސިޓީ ކައުންސިލުގެ އެއްބާރުލުމާއެކު ވިލިނގިލީ ހެޔޮއެދޭ ފަރާތްތަކުން ސަހަރާ ސާފުކޮށްފައިވާ ކަމަށެވެ.
Dhe aharaa bai vandhen valhulun huttalaafai othuma fahu Male' City Council ge ehbaarulumaa eku Vilingilige heyoedhey faraaithakun nikume Vilingili saharaa saafukoffi.
Adhi Council in hinavaage saafukoh maraamaathu kurumah fahu mi saharaage beynun kuran feshuma vany ninmaafai.— Male' City Council (@MaleCitymv) January 11, 2019
ވިލިމާލޭ ސަހަރާގައި އަލުން މީހުން ވަޅުލަން ސިޓީ ކައުންސިލުން ނިންމާފައިވާއިރު ދާދިފަހުން ސަރުކާރުން ވަނީ މިސްކިތްތަކާއި ގަބުރުސްތާނުތައް އަދި މޯޗަރީތަކުގެ މަސައްކަތްތައް މާލޭ ސިޓީ ކައުންސިލާ ހަވާލުކޮށްފައެވެ.
އިސްލާމިކް މިނިސްޓްރީގެ ބެލުމުގެ ދަށުގައި ކުރިން ހުރި މިސްކިތްތަކާއި ގަބުރުސްތާނުތައް އަދި މޯޗަރީތަކުގެ މަސައްކަތް މާލޭ ސިޓީ ކައުންސިލާއި ހަވާލު ކުރީ ލާމަރުކަޒީ ނިޒާމުގެ ގާނޫނުގައިވާ ގޮތުގެ މަތިންނެވެ.