ރައްޔިތުންގެ ލާބައަށްޓަކާ ސަރުކާރާ ގުޅިގެން މަސައްކަތް ކުރައްވަން ތައްޔާރަށް ހުންނެވިކަމަށް ކަމަށް ވިލިމާލޭ ދާއިރާ އަށް އިންތިހާބުވެ ވަޑައިގެންނެވި އަހުމަދު އުޝާމް ވިދާޅުވެއްޖެއެވެ.
އަމިއްލަ ގޮތުން މަޖިލީހަށް އިންތިހާބުވެ ވަޑައިގެންނެވި އުޝާމް މިހެން ވިދާޅުވީ ރައީސް އިބްރާހިމް މުހައްމަދު ސޯލިހާއި ބައްދަލުކުރެއްވުމަށްފަހު މިއަދު ކުރެއްވި ޓްވީޓެއްގައެވެ.
އުޝާމް ވިދާޅުވީ ވިލިމާލޭގެ ތަރައްގީ އަށް ކުރަންހުރި މަސައްކަތްތަކާއި އަދި ވިލިމާލެ އަށް ދިމާވެފައިވާ ތަފާތު އެކި މައްސަލަތަކާ ގުޅޭގޮތުން ރައީސް ސޯލިހާއެކު މަޝްވަރާ ކުރެއްވި ކަމަށެވެ. އަދި ރައްޔިތުންގެ ލާބައަށް ސަރުކާރާ ގުޅިގެން މަސައްކަތް ކުރައްވަން ތައްޔާރަށް ހުންނެވިކަމަށް ވެސް އުޝާމް ވިދާޅުވިއެވެ.
Warmest thank you to HEP @ibusolih for meeting me today. People of Vilimale & I are honored to have a fruitful dialogue with you on issues & much needed development to Vilimale. I look forward to working with the Govt to better the lives of the Maldivian people. pic.twitter.com/GIBE6Nntx1
— Ahmed Usham (@a_usham) April 17, 2019
ވިލިމާލޭ ދާއިރާގެ ގޮނޑި އުޝާމް ކާމިޔާބު ކުރެއްވީ ޖުމްހޫރީ ޕާޓީން ވާދަ ކުރެއްވި ކުރީގެ ނައިބު ރައީސް ޑރ. މުހައްމަދު ޖަމީލާއި އެމްޑީޕީގެ ކެންޑިޑޭޓު ޔާމީން އަހުމަދު އާއި ވާދަކޮށްގެންނެވެ.
އުޝާމް މީގެ ކުރިން ވަނީ މަޖިލީހުގެ ފަސް އަހަރުގެ ދައުރު ނިންމަވާލައްވާނީ މިނިވަންް މެންބަރެއްގެ ގޮތުގައި ހުރެ ކަމަށް ވިދާޅުވެފައެވެ.