އައިޖީއެމްއެޗުގެ އިންޖީނު ރޫމްގައި އަލިފާނުގެ ހާދިސާއެއް ހިނގައިފިއެވެ.
އެމްއެންޑީއެފްގެ ތަރުޖަމާން އިބްރާހިމް އާޒިމް ވިދާޅުވީ އަލިފާން ރޯވީ އައިޖީއެމްއެޗްގެ ބާ އިމާރާތުގެ އިންޖީނު ރޫމުގައި ހުރި ބެޓެރިއެއްގައި ކަމަށެވެ.
މިކަމުގެ މައުލޫމާތު ލިބިފައިވަނީ މިއަދު ހެނދުުނު 10:07 ހާއިރު ކަމަށާއި އަދި 10:21 ގައި އަލިފާންގަނޑު ކޮންޓްރޯލް ކޮށްފައިވާ ކަމަށްވެސް އާޒިމް ވިދާޅުވިއެވެ.
އެ ހާދިސާގައި މީހަކަށް އަދި އިމާރާތަށް ވެސް ގެއްލުމެއް ލިބިފައިނުވާ ކަމަށާއި މިހާރު ކުރަމުން ދަނީ ދުން ބޭރުކުރުމުގެ މަސައްކަތް ކަމަށްވެސް އޭނާ ވިދާޅުވިއެވެ.