ޕްރޮސެކިއުޓަރ ޖެނެރަލް އައިޝަތު ބިޝާމްގެ އިތުބާރު ނެތްކަމުގެ މައްސަލަ އެމްޑީޕީގެ ޕާލަމެންޓްރީ ގްރޫޕަށް ހުށަހަޅައިފިއެވެ.
މި މައްސަލަ އެމްޑީޕީގެ ޕީޖީ ގްރޫޕަށް ހުށަހެޅުއްވީ ފޮނަދޫ ދާއިރާގެ އެމްޑީޕީ މެމްބަރު މޫސާ ސިރާޖެވެ.
ސިރާޖު ވިދާޅުވީ މިނިވަން މުއައްސަސާތަކުން މީހުން ވަކިކުރަން މިހާރު އޮންނަނީ ޕާލަމެންޓްރީ ގްރޫޕަށް ހުށަހަޅާ، ލީޑަރުންނާއި އަދި ޕާލަމެންޓްރީ ގްރޫޕްގައި މަޝްވަރާ ކުރުމަށްފަހު ގޮތެއް ކަނޑައަޅައިގެން ކަމަށެވެ.
"ޕީޖީ އަށް އިތުބާރު ނުކުރެވޭތީ، ޕީޖީ ވަކިކުރަން ފެންނަ ކަމަށް އަޅުގަނޑު ވާނީ ޕާލަމެންޓްރީ ގްރޫޕަށް އެކަން ހުށަހަޅާފައި" ސިރާޖު ވިދާޅުވިއެވެ.
Minivan mussasaathakun meehun vaki kuran onnanee parliamentary group ah husha alhaa, leaderunna adhi parliamentary group ga masvaraa kurumahfahu gotheh kanda elhun.
PG ah ithubaaru nukureveythee, PG vakikuran fenna kamah alhugandu vaane parliamentary group ah ekan husha alhaafa. pic.twitter.com/IOpdqx3HRM
— Moosa Siraj (@MoosesSiraj) August 9, 2019
ޕީޖީގެ އިތުބާރު ނެތްކަމުގެ މައްސަލަ 18 ވަނަ ރައްޔިތުންގެ މަޖިލީހުގައި ދެ ފަހަރެއްގެ މަތިން ހުށަހެޅިއެވެ. ނަމަވެސް ޕީޖީގެ އިތުބާރު ނެތްކަމަށް ވޯޓަށް އެހުމުގެ ކުރިން އެ ދެ ފަހަރުވެސް ވަނީ އެ މައްސަލަ އަނބުރާ ގެންގޮސްފައެވެ.
19 ވަނަ މަޖިލިސް ފެށުނުފަހުން މިނިވަން ބައެއް މުއައްސަސާތަކުގައި ތިއްބެވި އިސްވެރިން ވަކިކުރަން ކޮމިޓީތަކުން ފާސްކޮށްފައިވާއިރު ޕީޖީ ބިޝާމް މަގާމުން ވަކި ނުކުރާތީ ބައެއް އާއްމުން އަންނަނީ ސޯޝަލް މީޑިޔާގައި ވެސް ކަންބޮޑުވުން ފާޅުކުރަމުންނެވެ.