ރާއްޖެ އާއި ސްރީލަންކާގެ ގައުމީ ފިރިހެން ވޮލީ ޓީމު މިރޭ ބައްދަލުކުރާ ވޮލީ މެޗު ބެލުމަށް ވީހާވެސް ގިނަ ބަޔަކު ސޯޝަލް ސެންޓަރަށް އައުމަށް ޔޫތް މިނިސްޓަރު އަހުމަދު މަހުލޫފް އެދިވަޑައިގެންފިއެވެ.
މިނިސްޓަރު މަހުލޫފް ކުރެއްވި ޓްވީޓެއްގައި ވިދާޅުވީ މިއަދަކީ ރާއްޖޭގެ ވޮލީގެ ތާރީހުގައި އެންމެ ފުރަތަމަ އެކުވެރިކަމުގެ މެޗެއް ކުޅެވޭ ރޭ ކަމަށެވެ. އަދި ލަންކާ އަތުން މީގެކުރިން ރާއްޖެ އަށް މޮޅެއް ލިބިފައި ނުވާއިރު މިރޭ ސަޕޯޓަރުންގެ ކުރިމަތީގައި ލަންކާ ބަލިކުރުމަކީ އުއްމީދެއް ކަމަށްވެސް މަހުލޫފް ވިދާޅުވިއެވެ.
"މިރޭ 20:15 ގައި ސޯޝަލް ސެންޓަރު ރަތް ކުލައިން ފުރާލަދެއްވާ" މިނިސްޓަރު ވިދާޅުވިއެވެ.
Miadhakee raajjeyge volleyge thaareehugai emmefurathama ekuverikamuge match kulheveyrey.Lanka athun meegekurin Raajje ah molheh libifai nuvaairu mirey supportarunge kurimatheegai Lanka balikurumakee alhugandumenge ummeedhu.
Mirey 20:15 gai Social Center raiykulain furaaladhevvaa. pic.twitter.com/snajmu8rXg— Ahmed Mahloof (@AhmedMahloof) August 13, 2019
ލަންކާގެ ގައުމީ ޓީމާއެކު ރާއްޖެ އިން ތިން މެޗެއް ކުޅުމަށް ހަމަޖެހިފައިވެއެވެ. އެގޮތުން ފުރަތަމަ މެޗު ރޭ ކުޅެފައިވާއިރު އެ މެޗުން ރާއްޖެ ވަނީ ބަލިވެފައެވެ.
މިރޭގެ މެޗު ބައްލަވާލެއްވުމަށް ރައީސް އިބްރާހިމް މުހައްމަދު ސޯލިހު ވެސް ވަޑައިގަންނަވާއިރު، މިއީ މި މަހު 18 ގައި ނޭޕާލުގައި ފަށާ ސެންޓްރަލް ޒޯން މެންސް ސީނިއާ ވޮލީބޯޅަ މުބާރާތަށް ތައްޔާރުވުމަށް ކުޅޭ މެޗުތަކެކެވެ.