ޗައިނާ އަތުން ރާއްޖެ ބަލި ނުވެއްޖެ ނަމަ ކޮންމެ ކުޅުންތެރިއަކަށް އެއްލައްކަ ރުފިޔާއަކީ ވެސް މަދު އަދަދެއް ކަމަށް ޔޫތު މިނިސްޓަރު އަހުމަދު މަހުލޫފް ވިދާޅުވެއްޖެއެވެ.
މަހްލޫފު މިރޭ ކުރެއްވި ޓުވީޓެއްގައި ވިދާޅުވީ އެމަނިކުފާނުގެ ޒިންމާގެ ތެރޭގައި ކުޅިވަރުތައް ތަރައްގީކޮށް ކުރިއަރުވާ، ރާއްޖެއަށް ރީތި ނަން ހޯދައި ދިނުމަށް މަސައްކަތް ކުރުން އޮންނަ ކަމަށެވެ. އޭނާ ވިދާޅުވީ ވޯލްޑްކަޕުގައި ކުޅޭ ވަރުގަދަ ޗައިނާ އަތުން ބަލިނުވެއްޖެ ނަމަ އެއްލަކަ ރުފިޔާ އަކީވެސް މަދު އަދަދެއް ކަމަށެވެ.
މިނިސްޓަރު ވިދާޅުވީ އެހެން ކުޅިވަރުތަކަށްވެސް ހަރަދު ކުރާ ކަމަށެވެ. އެގޮތުން އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގައި ޓީޓީ ކުޅުންތެރިޔާ ފާތިމަތު ދީމާ ހޯދި ކާމިޔާބީއަށް 5،35000 ރުފިޔާ އޭނާއަށް ލިބޭނެ ކަމަށެވެ.
Alhuganduge zimmaage thereyga kulhivaru tharaggeekoh kuriaruvaa,Raajje ah reethinan hoadhan masahkaiykurun ovey. World Cup gai kulhey varugadha China athun balinuvejjenama 100K ves madhu.
Ehen kulhivarahves varahbodu kharadheh kuran.
IOIG ge kaamiyaabah Dheema ah Rf535000 libeyne— Ahmed Mahloof (@AhmedMahloof) September 10, 2019
މިނިސްޓަރު މަހުލޫފް މިފަދައިން ވިދާޅުވެފައިވަނީ ވޯލްޑްކަޕް ކޮލިފައިނުގައި ރާއްޖެއާ ޗައިނާ މިރޭ ބައްދަލުކުރާ މެޗާއި ގުޅިގެންނެވެ. މީގެކުރިންވެސް ގައުމީ ފުޓުބޯޅަ ޓީމު ހޯދާފައިވާ ކާމިޔާބީތަކާއި ގުޅިގެން ދިވެހި ދައުލަތުންނާއި އަދި ބައެއް ވިޔަފާރިވެރިންގެ ފަރާތުން ވަނީ ފައިސާގެ އިނާމު ހަވާލު ކޮށްފައެވެ.