ސައޫދީ އަރަބިއްޔާގެ މައްކާއަށް އުމްރާގެ މަތިވެރި އަޅުކަން އަދާ ކުރަން ދިޔަ ބަޔަކު ގޮވައިގެން ދިޔަ ބަހެއް އެކްސިޑެންޓުވެ ހިނގި ހާދިސާގައި ދިވެެހި އުމްރާވެރިއަކަށް ގެއްލުމެއް ލިބިފައިނުވާ ކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނީ މިހާތަނަށް ބެލި ބެލުމުން އެ ބަހުގައި ދިވެހި އެއްވެސް އުމްރާވެރިއަކު ދަތުރުކޮށްފައި ނުވާ ކަމަށާއި ދިވެހި ހުރިހާ އުމްރާވެރިންގެ ހާލުވެސް ރަނގަޅު ކަމަށެވެ.
Umraa verin dhathuru kuri bas accident gai miha thanah beli belumun dhivehi ehves umraveriyakah gehlumeh vefa eh nuvey. Dhivehi huriha umra veringe haaluves rangalhu. Al hamdulihlaahi 🤲 #MVIaffairs
— Ministry of Islamic Affairs (@MVIaffairs) October 17, 2019
އެ އެކްސިޑެންޓުގައި ބަހުގައި ތިބި 35 މީހަކު ވެސް މަރުވެފައިވާއިރު، ސަލާމަތްވެފައިވަނީ އެންމެ ހަތަރު މީހުންނެވެ.
މަދީނާގެ ކައިރީގައި އޮންނަ ހިޖުރަ ކިޔާ މަގެއްގައި ހިނގި މިއެކްސިޑެންޓުގައި ބަސް ޖެހިފައިވަނީ އެކްސްކެވޭޓަރެއްގައެވެ. އަދި އިރުކޮޅެއް ފަހުން ބަހުގައި ވަނީ ރޯވެފައެވެ.
ސައުދީ އޮފިޝަލުން ބުނެފައިވަނީ ނިޔާވި 35 އުމުރާވެރިންނަކީ ވެސް ބޭރު ގައުމުތަކަށް ނިސްބަތްވާ މީހުން ކަމަށެވެ. ސަލާމަތްވި ހަތަރު މީހުންނަށް ވެސް ޒަޚަމްތަކެއް ލިބިފައިވާ ކަމަށް އޮފިޝަލުން ހާމަކުރިއިރު ތަފްސީލެއް ނުދެއެވެ.