މި ހަފްތާތެރޭ ރާއްޖެ އިން ބޭރުގައި ބޭއްވި އެކި މުބާރާތްތަކުން ރަން ވަނަތަށް ހޯދި ދިވެހި އެތްލީޓުންނަށް ރައީސް އިބްރާހިމް މުހައްމަދު ސޯލިހު މަރުހަބާ ދަންނަވައިފިއެވެ.
ރައީސް ސޯލިހު ދިވެހި އެތްލީޓުންނަށް މަރުހަބާ ދެންނެވީ މިއަދު ކުރެއްވި ޓްވީޓެއްގައެވެ.
Great week for Maldivian sports internationally. Congratulations Moosa and Azneen for winning bronze in the World bodybuilding championship in Korea.
Also congratulations to our badminton players Naba,Nabee and Zayan for winning the first ever gold in a WBF circuit tournament.— Ibrahim Mohamed Solih (@ibusolih) November 10, 2019
މި ހަފްތާގައި ކާމިޔާބީތައް ހޯދި ދިވެހި އެތްލީޓުންނަށް ބަލާއިރު ވޯލްޑް ބޮޑީބިލްޑިން އެންޑް ފިޒީކް ޗެމްޕިއަންޝިޕުން ރާއްޖޭގެ ބޮޑީބިލްޑަރުން ދެ ލޯ މެޑަލް ހާސިލުކޮށްފައެވެ. އެ މެޑަލްތައް ހާސިލުކުރީ 55 ކިލޯގެ ސީނިއާ މެންސް ބޮޑީބިލްޑިން ކެޓަގަރީން މުހައްމަދު މޫސާ އާއި ފިރިހެނުންގެ ސްޕޯޓްސް ފިޒީކް 170 ސެންޓިމީޓަރު ބައިން ލޯ މެޑަލް ހާސިލްކުރި އަޒްނީން ރަޝާދު އެވެ.
އަދި ޕާކިސްތާންގައި ކުރިއަށްދިޔަ ޔޮނޮކްސް ސަންރައިޒް ޕާކިސްތާން އިންޓަނޭޝަނަލް ސީރީޒް ބެޑްމިންޓަން މުބާރާތުގައި މިކްސް ޑަބަލްސް އިވެންޓުން ރާއްޖޭގެ ފާތިމަތު ނަބާހާ އާއި ޒަޔާން ޒަކީގެ ޕެއާ ވަނީ ރަން މެޑަލް ހާސިލުކޮށްފައެވެ. އަދި ހަމަ އެ މުބާރާތުގައި އަންހެން ޑަބްލސް އިވެންޓުން ނަބާހާ އާއި ނަބީހާ ވެސް ވަނީ ރާއްޖެ އަށް ރަން މެޑަލް ހޯދާދީފައެވެ.
މީގެއިތުރުން އެ މުބާރާތުގެ އަންހެން ސިންގަލްސް ބައިން ރާއްޖޭގެ ނީލާ ނަޖީބު ވަނީ ލޯ މެޑަލް ހާސިލުކޮށްފައެވެ.