މެދުރާއްޖެތެރޭގެ ރަށެއްގައި އުޅެމުންދާ ހަތަރު ކުއްޖަކު ރައްކާތެރި މާހައުލަކަށް ގެންދިއުމަށް ޖެންޑާ މިނިސްޓްރީން ކުރަމުންދާ މަސައްކަތަށް އެ ރަށުގެ ބަޔަކު ހުރަސް އަޅަން ފަށައިފިއެވެ.
ޖެންޑާ މިނިސްޓްރީން މިއަދު ކުރި ޓްވީޓެއްގައި ބުނީ މެދުރާއްޖެތެރޭގެ ރަށެއްގައި އެއް ޢާއިލާއަކަށް ނިސްބަތްވާ 4 ކުއްޖަކު ދިރިއުޅެމުން ދަނީ އެންމެ އެކަށީގެންވާ ރައްކާތެރި މާޙައުލެއްގައި ނޫން ކަމަށެވެ.
އަދި އެ ކުދިންތައް ރައްކާތެރި މާޙައުލަކަށް ނެގުމަށް މިއަދު ކުރަމުންދާ މަސައްކަތަށް ރަށުގެ ބައެއް ފަރާތްތަކުން ހުރަސް އަޅަމުންދާ ކަމަށްވެސް ޖެންޑާ މިނިސްޓްރީން ބުނެއެވެ.
މެދުރާއްޖެތެރޭގެ ރަށެއްގެ އެއް ޢާއިލާއަކަށް ނިސްބަތްވާ 4 ކުއްޖަކު ދިރިއުޅެމުން ދަނީ އެންމެ އެކަށީގެންވާ ރައްކާތެރި މާޙައުލެއް ކަމުގައިނުވާތީ، އެ ކުދިންތައް ރައްކާތެރި މާޙައުލަކަށް ނެގުމަށް މިއަދު ކުރަމުންދާ މަސައްކަތަށް ރަށުގެ ބައެއް ފަރާތްތަކުން އަންނަނީ ހުރަސްއަޅަމުން.
— Ministry of Gender, Family and Social Services (@MoGFSSmv) January 24, 2020
މައުލޫމާތު ލިބިފައިވާ ގޮތުގައި ޖެންޑާ މިނިސްޓްރީގެ ޓީމާއެކު ފުލުހުން ވެސް މިހާރު އަންނަނީ ހަރަކާތްތެރިވަމުންނެވެ.
ނަމަވެސް އެ ކުދިންގެ މައުލޫމާތު ހާމަވެދާނެތީ އެއީ ކޮން ރަށެއްގައި ހިނގަމުންދާ ކަމެއް ކަމެއް މިނިސްޓްރީން ހާމައެއް ނުކުރެއެވެ.