ކޮވިޑް-19 ގައި ރާއްޖެއިން 11 ވަނަ މީހަކު މަރުވި ކަމަށް އިއުލާންކުރުމަށްފަހު، އެމީހާ މަރުވީ ކެންސަރު ބަލީގައި ކަމަށް އެޗްޕީއޭ އިން ބުނެފިއެވެ.
އެޗްޕީއޭ އިން މިރޭ ބުނީ އިންޑޮނީޝިއާ އަށް ނިސްބަތްވާ އުމުރުން 39 އަހަރުގެ ފިރިހެން މީހާ މަރުވީ ކޮވިޑްގެ ސަބަބުން ނޫން ކަމަށް ކަނޑައަޅާފައިވާ ކަމަށެވެ. އެގޮތުން އެމީހާ މަރުވީ ކެންސަރު ބަލީގައި ކަމަށް އެޗްޕީއޭ އިން ބުނެއެވެ.
The death announced today of the 39-year-old Indonesian male has been declared a ‘non COVID19 death’.
The primary cause of death is stage 4 cancer.
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) July 2, 2020
ކޮވިޑްގައި ރާއްޖޭގައި މިހާތަނަށް ހަތަރު ދިވެއްސަކާއި ހަ ބިދޭސީން ވަނީ މަރުވެފައެވެ. ބިދޭސީންގެ ތެރެއިން އެކަކު މީހަކު ފިޔަވާ ދެން ތިބި އެންމެނަކީވެސް ބަންގްލަދޭޝްގެ ރައްޔިތުންނެވެ.
ރާއްޖެ އިން މިހާތަނަށް ވަނީ ކޮވިޑަށް 2400 މީހުން ޕޮޒިޓިވްވެފަ އެވެ. އޭގެ ތެރޭން 1،969 މީހުން ވަނީ ބަލިން ރަނގަޅުވެފަ އެވެ. ކޮވިޑް-19 ގެ ބަލި މީހުންގެ ގޮތުގައި މިހާރު ތިބީ 416 މީހުންނެވެ.