މާލެ ސަރަހައްދުގެ ކެފޭތައް 48 ގަޑިއިރަށް ބަންދުކޮށް ހަޅުތާލަކަށް ދާން ތައްޔާރުވެއްޖެއެވެ.
މިކަން ހާމަކޮށްފައިވަނީ ކެފޭ، ހޮޓާ އަދި ރެސްޓޯރަންޓްތަކުގެ ހައްގުގައި ވަކާލާތު ކުރަމުން އަންނަ މޯލްޑިވްސް އީޓަރީ ޔޫނިއަން (އެމްއީޔޫ) އިންނެވެ.
އެގިތުން އެމްއީޔޫ އިން ކުރި ޓްވީޓެއްގައި ބުނީ އާދޭސް ދެންނެވިއްޖެ ކަމަށާއި، ވަގުތު ވެސް ދެވިފައިވާއިރު ދެން އޮތީ މަދަނީ ބަސްނޭހުމަކާ ދިމާލަށް ދިޔުން ކަމަށެވެ. އެގޮތުން އެ އެސޯސިއޭޝަނުން އިސްނަގައިގެން ކެފޭ، ރެސްޓޯރެންޓް އަދި ހޮޓާތައް 48 ގަޑިއިރަށް ނުވަތަ އެއަށް ވުރެ ވެސް ގިނަ ވަގުތަށް ބަންދުކުރަން ރާވަމުންދާ ކަމަށް އެމްއީޔޫ އިން ބުންޏެވެ.
އަދި ވިޔަފާރިތައް ހިންގުމަށް ހަމަހަމަ ފުރުސަތެއް ލިބެންދެން އެގޮތުގައި ކުރިއަށްދާނެ ކަމަށްވެސް ބުނެފައިވެއެވެ.
Aadheys dhennevijje
Vaguthu dhevijje.
Dhen othee civil disobedience.Restaurants association, @MEUmaldives isnagaigen
Cafe's, restaurants, hotaa, all planning a shutdown of all places in greater male' for 48hours or more as necessary
Until we get equal business opportunity.
— Maldives Eateries Union (@MEUmaldives) March 15, 2021
ކެފޭ
މާލެ ސަރަހައްދުން ކޮވިޑް-19 ގެ ކޭސްތައް ފެނުން އިތުރުވަމުންދާތީ އެޗްޕީއޭ އިން ވަނީ ރޭގަނޑު 8 ގެ ފަހުން ޓޭކް އަވޭ އާއި ޑެލިވަރީގެ ހިދުމަތް ފިޔަވައި އެހެން ހިދުމަތްތައް ދިނުން މަނާކޮށްފައެވެ.
މިކަމާ ގުޅިގެން ކެފޭ އަދި ރެސްޓޯރެންޓްތައް ހިންގާ ފަރާތްތަކުން އަންނަނީ ވިޔަފާރިތަކަށް އޭގެ ސަބަބުން ގެއްލުންވާ ކަމަށް ބުނެ އެކަމުގެ ހިތްހަމަނުޖެހުން ފާޅުކުރަމުންނެވެ.