އަޑީ ދައުލަތެއް ނެތް ކަމަށް ބުނެ ބަހަނާ ނުދެއްކެވުމަށް ހޯމް މިނިސްޓަރު އިމްރާން އަބްދުﷲ އަށް، އެމްޑީޕީގެ ޗެއާޕާސަން އަދި ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ގޮވާލައިފިއެވެ.
މިނިސްޓަރ އިމްރާން "އަދަދު" ނޫހަށް ދާދިފަހުން ދެއްވާފައިވާ އިންޓަވިއުއެއްގައި ވިދާޅުވީ ރާއްޖޭގައި އަޑީ ދައުލަތެއް އޮތްކަމުގެ އެއްވެސް ރިޕޯޓެއް ފުލުހުންގެ ފަރާތުން މިހާތަނަށް ލިބިވަޑައިގެންފައިނުވާ ކަމަށެވެ. އަދި ރާއްޖެއަކީ ކުރިއަރަމުން އަންނަ، ތަރައްގީއާއީ ތަހުޒީބާއި ޑިމޮކްރެސީއަށް ލޯބިކުރާ ވެއްޓެއް ގާއިމުވެފައި އޮތް ގައުމެއް ކަމަށާއި، ރާއްޖެ އަފްގާނިސްތާނުގައި އޮތް ޙާލަތަށް ދަތުރުކުރަމުން ވެސް ނުދާ ކަމަށް އިމްރާން ވިދާޅުވިއެވެ.
އެކަމާ ގުޅިގެން ހަސަން ކުރެއްވި ޓްވީޓެއްގައި ވިދާޅުވީ އަޑީ ދައުލަތެއް ނެތް ކަމަށް ބުނެ ބަހަނާ ދައްކައި، ކުރަންޖެހޭ މަސައްކަތް ނުކޮށް ނުވާ ކަމަކަށް ހަދާލައިގެން ސަރުކާރު އޮވެގެން ނުވާނެ ކަމަށެވެ.
Adee Dhaulatheh neiy kamah bune bahanaa dhakkai, kuranjehey masakkaiy nukoh nuvaakamakah hadhaalaigen Sarukaru ovegen nuvaane. @NCTCMaldives ge DG Brgd Gen.Zakariyya Mansoor saafukoh eothee vidhaalhuvefa Raajjeyge haalathu. @ShimranAb
Source: @mvpeoplesmajlis #InquiryReport pic.twitter.com/a32axGDUVB— Hassan Latheef🎈 (@HassanLatheef) July 24, 2021
އިމްރާން މިހެން ވިދާޅުވިއިރު ދީނީ ހަރުކަށި ފިކުރުގެ ފަރާތްތަކުން ރާއްޖޭގައި އަނދިރި ދައުލަތެއް ހިންގަމުންދާކަމަށް ނަޝީދަށް ދިން ހަމަލާއާ ގުޅިގެން މަޖިލީހުގެ 241 ކޮމިޓީން ތައްޔާރުކުރި އިންކުއަރީ އަށް މައުލޫމާތު ދެއްވަމުން ނޭޝަނަލް ކައުންޓަރ ޓެރަރިޒަމް ސެންޓަރ (އެންސީޓީސީ)ގެ ޑިރެކްޓަރ ބްރިގޭޑިއަރ ޖެނެރަލް ޒަކަރިއްޔާ މަންޞޫރު ވަނީ ވިދާޅުވެފައެވެ.
އަދި މިހާލަތުން އަރައި ނުގަނެވިއްޖެނަމަ އަފްޣާނިސްތާނު އޮތް ހާލަތަށް ރާއްޖެ ހިނގައިދާނެކަމުގެ އިންޒާރު ވެސް ޒަކަރިއްޔާ ވަނީ ދެއްވާފައެވެ.
"މިހާލަތުން އަރައި ނުގަނެވިއްޖެނަމަ އަޅުގަނޑުމެންގެ މިޤައުމު އަފްޣާނިސްތާނު އޮތް ހާލަތަށް ދާނެ" ޒަކަރިއްޔާ ވިދާޅުވެފައިވެއެވެ.
މިދިޔަ މޭ މަހުގެ ހަވަނަ ދުވަހުގެރޭ ރައްޔިތުންގެ މަޖިލީހުގެ ރައީސް، މުހައްމަދު ނަޝީދު އަވަހާރަކޮށްލުމަށް ބޮމުގެ ހަމަލާއެއް ދީފައިވާއިރު އެ ހަމަލާ ގުޅެނީ ހަރުކަށި ފިކުރުގެ މީހުންނާ ކަމަށް ފުލުހުން ވަނީ ބުނެފައެވެ.