އޮސްޓްރޭލިއާ ސަރުކާރުގެ ހިލޭ އެހީގެ ދަށުން ޕަރސަނަލް ޕްރޮޓެކްޓިވް އިކުއިޕްމަންޓް (ޕީ.ޕީ.އީ) ރާއްޖެއަށް ހަދިޔާ ކޮށްފިއެވެ.
އޮސްޓްރޭލިއާ ސަރުކާރުގެ ފަރާތުން ރާއްޖެއަށް ހަދިޔާކުރި މި ތަކެއްޗާއި ރާއްޖޭގެ ފަރާތުން ހަވާލުވީ ސްރީލަންކާގައި ރާއްޖެއިން ކަނޑައަޅުއްވާފައި ހުންނަވާ ހައިކޮމިޝަނަރު، އުމަރު އަބްދުއްރައްޒާގު އެވެ.
🇦🇺 was pleased to gift 🇲🇻 3.5 tonnes of Personal Protective Equipment (PPE). The 🇦🇺 Government’s COVID support to Maldives now totals AUD 780,000 (approx. MVR 9 million) including donations of PPE, capacity building for frontline workers & support for women & girls. pic.twitter.com/VWHBdvS1a2
— Australia in Sri Lanka and Maldives (@AusHCSriLanka) July 27, 2021
އޮސްޓްރޭލިއާގެ ހައިކޮމިޝަނުން ބުނީ މި ތަކެއްޗާއެކު ކޮވިޑް-19 އިން ރައްކާތެރިވުމަށް ރާއްޖެ އަށް ފޯރުކޮށްދިން އެހީގެ އަދަދު 9 މިލިއަން ރުފިޔާ އަށް އަރާފައިވާ ކަމަށެވެ. އޮސްޓްރޭލިއާ އިން ވަނީ ޕީޕީއީގެ އިތުރުން ފްރޮންޓްލައިން ވޯކަރުންނަށް ތަމްރީނުތައް ފޯރުކޮށްދީ، އަންހެނުންނާއި އަންހެން ކުދިންނަށް ތަފާތު އެކި އެހީތައް ވެފައެވެ.
މިދިޔަ މޭ މަހުގެ ތެރޭގައި ރާއްޖެއިން ގިނަ އަދަދަކަށް މި ބަލީގައި މީހުން ޕޮޒިޓިވްވެ އަދި މަރުވިއިރު، ބަލި ކޮންޓްރޯލް ކުރުމަށް އެޅި ފިޔަވަޅުތަކާއެކު ޕޮޒިޓިވްވާ މީހުންގެ އަދަދު މިހާރު ވަނީ ބޮޑުތަނުން ދަށްވެފައެވެ.