ރާއްޖޭގެ އިގުތިސާދީ ހާލަތު މި ދަނޑިވަޅުގައި މެނޭޖްކުރުން ވަރަށް މުހިއްމު ކަމަށާއި އަވަށްޓެރި ސްރީ ލަންކާ އަށް ދިމާވެފައި އޮތް ހާލަތުން އިބުރަތް ހާސިލުކުރަން ޖެހޭ ކަމަށް ކުރީގެ ރައީސް ޑރ. މުހައްމަދު ވަހީދު ހަސަން މަނިކު ވިދާޅުވެއްޖެ އެވެ.
އެ މަނިކުފާން މިއަދު ކުރެއްވި ޓްވީޓެއްގައި ވިދާޅުވީ ރާއްޖޭގެ އިގުތިސާތީ ހާލަތު ގޯސްވެދާނެކަމުގެ ބިރު މިހާރު އެބައޮތް ކަމަށާއި ސަރުކާރާއި އެމްއެމްއޭ ދެމެދު އޮތް ހިޔާލު ތަފާތުވުންތަކާ އެކު އިގުތިސާދު މެނޭޖްނުކުރެވިއްޖެ ނަމަ ހާލަތު ގޯސްވެދާނެ ކަމަށެވެ.
"އެހެން ނޫން ކަމަށްވާ ނަމަ ނާށިގަނޑު ހިފައިގެން އަނެއްކާ ވެސް ސަލާންޖަހަން ކުޑަކަކޫ މައްޗަށް ތިރިވާން ޖެހޭނީ." ވަހީދު ވިދާޅުވި އެވެ.
#MyMaldives Manage our economy well or else we’ll be kneeling with a begging bowl. Red flags: Govt and MMA discord, excessive money supply, mounting debt, unplanned wage rises, lack of FDI, dollar shortage etc. Learn from Sri Lanka b4 2 late. @ibusolih @MMA_Maldives @WorldBank
— Mohamed Waheed (@DrWaheedH) May 24, 2022
ރައީސް ވަހީދު ވިދާޅުވި ގޮތުގައި ރާއްޖެ އަށް ދިމާވެފައިވާ މައްސަލަތަކުގެ ތެރޭގައި ދަރަންޏާއި ފޮރިން އިންވެސްޓްމަންޓްތައް މަދުވުމާއި ޕްލޭނެއް ނެތި މުސާރަތައް ބޮޑުކުރުމާއި ޑޮލަރުގެ ތާށިކަން އިތުރުވުން ފަދަ ކަންކަން ހިމެނެ އެވެ.
"އެހެންވެ ވަގުތު ފާއިތުވުމުގެ ކުރިން މި ދަނޑިޅަކީ ލަންކާގެ ހާލަތުން އިބުރަތް ވެސް ހާސިލުކުރަން ޖެހިފައިވާ ވަގުތެއް." ވަހީދު ވިދާޅުވި އެވެ.