ރާއްޖެ އަށް ވޯލްޑް ބޭންކުން 34 މިލިއަން ޑޮލަރުގެ އެހީއެއް ދީފި އެވެ.
ފިނޭންސް މިނިސްޓްރީގައި ބޭއްވި ރަސްމިއްޔާތެއްގައި މި އެހީގެ އެއްބަސްވުމުގައި ސަރުކާރުގެ ފަރާތުން ސޮއިކުރެއްވީ ފިނޭންސް މިނިސްޓަރ އިބްރާހީމް އަމީރެވެ. ވޯލްޑް ބޭންކުގެ ފަރާތުން ސޮއިކުރެއްވީ، އެ ބޭންކުން ރާއްޖެ އަށް ހާއްސަކޮށްފައިވާ ކަންޓްރީ ޑިރެކްޓަރ ފާރިސް ހަދާދް ރާރވޮސްއެވެ.
ވޯލްޑް ބޭންކުގެ މި އެހީގެ ތެރެއިން 23 މިލިއަން ޑޮލަރު (370 މިލިއަން ރުފިޔާ) ޚާއްސަކޮށްފައި ވަނީ މަސައްކަތްތެރިންގެ އިޖްތިމާޢީ ރައްކާތެރިކަމުގެ ކަންކަން ކުރިއެރުވުމަށާއި، ވަޒީފާ ނެތް ފަރާތްތަކަށް ބޭނުންވާ އެހީވުމަށް ބޭނުންވާ "އަންއެމްޕްލޯއިމަންޓް އިންޝުއަރެންސް ބެނިފިޓް ސްކީމް" ހިންގުމަށެވެ.
Minister @iameeru today signed a $24 million Grant (MVR370 million) with the @WorldBank to improve social protection coverage and employability of Maldivian workers by providing insurance against shocks and employment support. @MoedMV @pensionoffice pic.twitter.com/yXZdbP0kGv
— Ministry of Finance (@MoFmv) July 4, 2022
ވޯލްޑް ބޭންކުން ދިން އެހީގެ ބާކީ 10 މިލިއަން ޑޮލަރު (54.2 މިލިއަން ރުފިޔާ) ހާއްސަކޮށްފައި ވަނީ ޑިޖިޓަލް ޓެކްނޮލޮޖީގެ އެހީގައި ތަރައްޤީގެ މަސައްކަތްތައް ފުޅާކޮށް، މޫސުމަށް އަންނަ ބަދަލުތަކަށް ތައްޔާރުވެފައިވާ މިންވަރު އިތުރުކުރުމަށެވެ.
Minister @iameeru today signed $10 million Grant with the @WorldBank to support the Maldives to promote competition in the broadband market; improve digital identification and security; and leverage digital technology to adapt to the increasing impacts of climate change. @Moenvmv pic.twitter.com/JF9b8oc5l7
— Ministry of Finance (@MoFmv) July 4, 2022
މި އެހީއަކީ ބްރޯޑްބޭންޑް އިންޓަނެޓް މާކެޓުގައި ވާދަވެރިކަން އިތުރުކުރުމަށާއި، އޮންލައިންކޮށް ހިދުމަތްތައް ހޯދުމުގައި ޑިޖިޓަލް އައިޑީ ބޭނުންކޮށް އަދި އޭގެ ރައްކާތެރިކަން އިތުރުކުރުމަށާއި، މޫސުމަށް އަންނަ ބަދަލުތަކާ ގުޅިގެން ކުރިމަތިވާ ގެއްލުންތަކަށް ހޭނުމުގައި ޑިޖިޓަލް ޓެކްނޮލޮޖީތަކާއި ޑޭޓާ އަދި އެނެލިޓިކްސް ބޭނުންކުރުމަށް އެހީތެރިވުމަށްދޭ އެހީއެކެވެ.