އިއްޔެ އިރާކޮޅު މާލޭގައި ކާރަކާއި ބަހެއް ޖެހިގެން ހިނގި ނުރައްކާތެރި އެކްސިޑެންޓްގައި އަނިޔާވި ހަތަރު މީހަކަށް ފަރުވާ ދެމުން އަންނަނީ އައިސީޔޫގައި ކަމަށް މިއަދު އައިޖީއެމްއެޗުން ބުނެފި އެވެ.
އެމްޓީސީސީގެ ބަހަކާއި ކާރެއް ޖެހިގެން ހިނގި އެކްސިޑެންޓްގައި ޖުމްލަ ހަ މީހަކަށް އަނިޔާވި އެވެ. އޭގެ ތެރެއިން އެކަކަށް ފަރުވާ ދެމުން ދަނިކޮށް ރޭ ވަނީ މަރުވެފަ އެވެ. އެއީ ގއ. މާމެންދޫ މަރިޔަމް އަމާނީ ރަޝީދު، 24، އެވެ.
اِنَّا لِلّٰهِ وَاِنَّااِلَيْهِ رَاجِعُوْنَ
މާތް اَللّٰهُ މަރިޔަމް އަމާނީ ރަޝީދުގެ ފާފަ ފުއްސަވައި، ހެޔޮރަޙްމަތް ލައްވައި، ސުވަރުގޭގެ ދާއިމީ ނިޢުމަތް މިންވަރު ކުރައްވާށި! އަދި ޢާއިލާއަށް ކެތްތެރިކަން ދެއްވާށި!
آمیـــــــــــــن
Ithuru mauloomaathu: https://t.co/n1M2KbISj4 pic.twitter.com/8Sy8fhoGCM
— #MvCrisis (@MvCrisis) July 4, 2022
އެކްސިޑެންޓާ ގުޅިގެން ހަތަރު މީހަކަށް އައިސީޔޫގައި ފަރުވާދެމުން އަންނަކަން އައިޖީއެމްއެޗުން ކަށަވަރުކޮށް ދިން އިރު، އޭގެ ތެރެއިން ތިން މީހަކަށް ފަރުވާދެނީ ވެންޓިލޭޓަރުގެ އެހީގައި ކަމަށް ވެސް ހޮސްޕިޓަލުން ބުންޏެވެ. ފަރުވާ ދެމުން އަންނަ މީހުންގެ ތެރޭގައި ހިމެނެނީ ދެ އަންހެނުންނާއި ދެ ފިރިހެނުންނެވެ.
މާލޭގައި މި ފަހުން ހިނގި އެންމެ ނުރައްކާތެރި އެއް އެކްސިޑެންޓް ކަމަށް ފާހަގަކުރެވޭ މި އެކްސިޑެންޓްގައި ބަހުގައި ޖެހި ކާރަށް ބޮޑެތި ގެއްލުންތަކެއް ލިބިފައިވެ އެވެ.