ޕެޓްރޯލާއި ޑީސަލްގެ އަގު އެސްޓީއޯ އިން ހެޔޮކޮށްފި އެވެ.
ތެލަށް ގެނައި ބަދަލާއެކު ޑީސަލް ލީޓަރެއް 16.32ރ. އަށް ލިބޭނެ އެވެ. ކުރިން ޑީސަލް ވިއްކީ 16.77ރ. އަށެވެ. ކުރިން ޕެޓްރޯލް ލީޓަރެއް 16.55ރ. ވިއްކި އިރު މިއަދުން ފެށިގެން 15.97ރ. އަށް ލީޓަރެއް ލިބޭނެ އެވެ.
We have reduced our fuel prices! pic.twitter.com/3hhF5btLF0
— STO (@stoplc) August 17, 2022
އެސްޓީއޯ އިން ބުނީ ފާއިތުވި 6 މަސްދުވަހުގެ ތެރޭގައި މާކެޓުގައި ތެލުގެ އަގުތައް އެތައް ފަހަރެއްގެ މަތިން އުފުލިފައިވާއިރު އެ ކުންފުނިން ވިއްކާ އަގުތަކަށް ބަދަލު ގެނެސްފައިވާނީ އެންމެ ދެ ފަހަރު ކަމަށެވެ. އަދި ތެލުގެ އަގު ބަދަލު ކުރުމުގައި އެސްޓީއޯއަށް ތެޔޮ ގަންނަ އަގު ބޮޑުވި ނިސްބަތުން، އެސްޓީއޯއިން ތެޔޮ ވިއްކާ އަގުތައް ބަދަލު ކޮށްފައި ނުވާނެ ކަމަށް އެސްޓީއޯ އިން ބުނެ އެވެ.
ދުނިޔޭގެ ބާޒާރުގައި ތެލުގެ އަގު އުފުލުމަށްފަހު މިހާރު އަނެއްކާވެސް ތެލުގެ އަގުތައް ދަށަށް ދާން ފަށާފައިވާ ކަމަށްވެސް އެސްޓީއޯ އިން ބުނެ އެވެ.