އެމްޑީޕީގެ ރިޔާސީ ޕްރައިމަރީ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ކާމިޔާބު ކުރައްވާފައިވާ ކަމަށް އެމަނިކުފާނުގެ ކެމްޕޭން އެޖެންޓް އަދި ހެންވޭރު ހުޅަނގު ދާއިރާގެ މަޖިލިސް މެންބަރު ހަސަން ލަތީފް ވިދާޅުވެއްޖެ އެވެ.
އެމްޑީޕީގެ ރިޔާސީ ޕްރައިމަރީގައި ނަޝީދު ވާދަކުރައްވަނީ ރައީސް އިބްރާހިމް މުހައްމަދު ސޯލިހާ އެވެ.
ހަސަން ކުރެއްވި ޓްވީޓެއްގައި ވިދާޅުވީ އެގްޒިޓް ޕޯލް ތަކުން ދައްކާ ގޮތުގައި ނަޝީދު 64.7 ޕަސެންޓާ އެކު އޮތީ ކުރީގައި ކަމަށެވެ.
"ރައީސް މުޙައްމަދު ނަޝީދު މި އިންތިޚާބު ކާމިޔާބު ކުރައްވައިފި." ހަސަން ވިދާޅުވި އެވެ.
އެގްޒިޓް ޕޯލް ތަކުން ދައްކާގޮތުގައި ރައީސް މުޙައްމަދު ނަޝީދު %64.7 އާއެކު އޮތީ ކުރީގައި. الحمد لله. ރައީސް މުޙައްމަދު ނަޝީދު މި އިންތިޚާބު ކާމިޔާބު ކުރައްވައިފި.
— Hassan Latheef🎈 (@HassanLatheef) January 28, 2023
އެމްޑީޕީ ރިޔާސީ ޕްރައިމަރީގެ ވޯޓުލުން ކުރިއަށް ގެންގޮސްފައިވަނީ ހެނދުނު 9 އިން ހަވީރު 5 ޖެހުމާ ހަމައަށެވެ.
މި އިންތިހާބުގައި 57،257 މީހުންނަށް ވޯޓުލުމުގެ ހައްގު ލިބިފައިވެއެވެ. އަދި ޖުމުލަ 243 ވޯޓު ފޮށި މި އިންތިހާބުގައި ބަހައްޓާފައިވެއެވެ.