މަރަދޫ ބޮޑު މަގުގައި ހުންނަ ރޫޓް ފިހާރަ ކުރިމަތީ ނުރައްކާތެރި އެކްސިޑެންޓެއް ހިނގައިފި އެވެ.
މަންޒަރު ދުށް މީހަކު "އައްޑޫ ލައިވް" ކިޔައި ދިން ގޮތުގައި އެކްސިޑެންޓް ހިނގަން މެދުވެރިވީ ރޫޓް ފިހާރަ ހުންނަ ގެ ކާނޭޝަންގެއަށް ވަންނަން ބޮޑު މަގުން ގޮސް ގޮސް ހުރި ސައިކަލެއް އަނބުރާލި ވަގުތު ފޭދޫން މަރަދޫ ކޮޅަށް ބާރު ސްޕީޑްގައި ދުއްވާފައި ދިޔަ ސައިކަލަކުން ކޮންޓްރޯލް ނުވެ ޖެހިގެންނެވެ.
މިހާދިސާގައި ކާރްނޭޝަން ގެއަށް ވަންނަން ދިޔަ އެގޭ ހުސެއިން ނަސީރު 65އ، ސައިކަލުން ވެއްޓި ބޮލުން ތަންގަޑެއް ފަޅައިގެން ގޮސްފައިވާ ކަމަށް މައުލޫމާތު ލިބެއެވެ. ފޭދޫ ކޮޅުން އައި ސައިކަލްގައި އިނީ ޒުވާނެއް ކަމަށް އެނގިފައިވެއެވެ. އޭނާއަކަށް ސީރިއަސް ގެއްލުމެއް ލިބިފައި ނުވާކަމަށް މަންޒަރު ދުށް މީހާ ބުންޏެވެ.
ނަސީރު މި ވަގުތު ވަނީ ހިތަދޫ ރީޖަނަލް ހޮސްޕިޓަލަށް ގެންގޮސް އައިސީޔޫގައި ފަރުވާ ދޭން ފަށާފައެވެ. އަދި އޭނާގެ މާ ބޮޑު ތަފްސީލެއް ހިތަދޫ ހޮސްޕިޓަލުން ލިބޭ ގޮތް ވަނީ ނުވެފައެވެ.
މިދިޔަ ބްރާސްފަތި ދުވަހުގެ ރޭ ހިތަދޫ ބޮޑު މަގުގައި ޕާކް ކޮށްފައި އޮތް ޕިކަޕެއްގައި ސައިކަލެއް ޖެހި ހިނގި އެކްސިޑެންޓެއް ގައި ސައިކަލް ދުއްވަން އިން ހިތަދޫ ޗިޗަންޑާގޭ ހުސެއިން ސައީދު ވަނީ ނިޔާވެފައެވެ.