ރޯވިން އެސޯސިއޭޝަންގެ ޤައުމީ ޓީމްގެ ދެ އެތުލީޓުން މި އަހަރު އޭޝިއަން ރޯވިން ޖޫނިއަ ޗެމްޕިއަންޝިޕްގައި ބައިވެރިވުމަށް މި މަހުގެ 25 ވަނަ ދުވަހު ތައިލެންޑަށް ފުރާ ގޮތަށް ހަމަޖެހިއްޖެ އެވެ.
މި ޓީމުގައި ދެ އެތުލީޓުންނާއި، ކޯޗަކާއި، އޮފިޝަލަކު ބައިވެރިވާނެ އެވެ.
މި ދަތުރުގައި ޤައުމީޓިމު ތައިލެންޑްގެ ޔީލަން ރޯވިން އެރީނާގައި ފަސް ދުވަހުގެ ތަމްރީން ޕްރޮގްރާމެއްގައި ވެސް ބައިވެރި ވާނެ އެވެ.
ރޯވިންގެ ބައިނަލް އަޤްވާމީ ހަރަކާތެއް އަންނަ އަހަރު އައްޑޫގައި ބާއްވާ ގޮތަށް ހަމަޖެހިފައިވާ ކަމަށް ރޯވިން އެސޯސިއޭޝަނުން ބުންޏެވެ.