މިއަދު ހެނދުނު 7:30 ހާއިރު މަރަދޫ ގެއަކަށް ވަދެ އެގޭގެ ދެމީހަކު ތޫނުއެއްޗަކުން ހަމަލާދީ ޒަހަމްކޮށްލައިފިއެވެ.
މައުލޫމާތު ލިބިފައިވާ ގޮތުގައި، މިއަދު ހެނދުނު ޒަހަމް ކޮށްލާފައިވަނި ބައްޕައަކާއި އެގޭގެ ފިރިހެން ދަރިއެކެވެ.
މަރަދޫން ވާހަކަ ދެއްކި މީހަކު ބުނީ މަރަދޫ، "އާނިކަ" ގޭގެ ދޮރަށް ބަޔަކު ޓަކި ދިނުމުން ދޮރު ހުޅުވާލުމާއި އެކު މޫނު ނިވާކޮށްގެން ތިބި ބަޔަކު ގޭތެރެއަށް ވަދެ ބައްޕަގެ ބޮލުގައި އެއްޗަކުން ޖެހުމަށްފަހު އޭނާގެ ފިރިހެން ދަރިފުޅަށްވެސް ތޫނު އެއްޗަކުން ހަމަލާ ދީ ޒަހަމްކޮށްލާފައިވާ ކަމަށެވެ.
އަދި އެގޭގައި ބޭނުން ކުރާ ބައެއް ސާމާން ވަނީ ހަލާކުކޮށްލާފައެވެ.
ބަޔަކު އެގެއަށް ވަދެފައިވަނީ އިއްޔެ ރޭ މަރަދޫގައި ހިނގި މާރާމާރީއެއްގައި މީހެއްގެ ބޯ ކަތިވަޅިއަކުން ޒަހަމްކޮށްލާފައި ވަނިކޮށެވެ.
މިހާދިސާގައި ޒަހަމްވި މީހުންނަށް ހިތަދޫ ރީޖަނަލް ހޮސްޕިޓަލުން ފަރުވާ ދެމުން އަންނަ އިރު ތަފްސީލެއް އަދި ލިބިފައި ނުވެއެވެ.
ތަފްސީލް އަންނަނީ….