ގިނަ ބަޔަކު ވަރަށް ބޮޑަށް އިންތިޒާރު ކުރަމުން އަންނަ ފިލްމް "ދަޅަކް" ގެ ޓްރެއިލާ މާދަމާ ދައްކައިލާ ގޮތަށް ނިންމައިފި އެވެެ.
އެކަން ފިލްމްގެ ޕްރޮޑިއުސަރު ކަރަން ޖޯހަރް ކުރި ޓްވީޓްތަކެއް ވަނީ ކަށަވަރުކޮށް ދީފަ އެވެ. އަންނަ މަހުގެ 20 ގައި ރިލީޒް ކުރާ "ދަޅަކް" އާ ދެ ޕޯސްޓަރެއް ވެސް އޭނާ ވަނީ ފޭނުންނާ ޓްވިޓާގައި ހިއްސާކޮށްފަ އެވެ.
The trailer of #Dhadak will be out on Monday the 11th of June at 12 noon !! Presenting #janhvi and #Ishaan directed by @ShashankKhaitan pic.twitter.com/rcETye9pQ6
— Karan Johar (@karanjohar) June 9, 2018
ޝަޝަންކް ކައިތާން ޑައިރެކްޓްކޮށްފައިވާ "ދަޅަކް" އަށް އެންމެ ބޮޑަަށް އިންތިޒާރު ކުރެވޭ ސަބަބަކީ މި ފިލްމަކީ ދާދި ފަހުން މަރުވި ކުރީގެ މަޝްހޫރު ބަތަލާ ސްރީދޭވީގެ ދޮށީ އަންހެން ދަރިފުޅު ޖާންވީ ކަޕޫރްގެ ފުރަތަމަ ފިލްމަަށްވުމެވެ. އެހެންވެ އޭނާ އަށް މަންމަގެ އެކްޓިން ވާރުތަކޮށްފައި ހުރީ ކިހާ ވަރަކަށްތޯ ބަލައިލަން ގިނަ ބަޔަކު ބޭނުންވެ އެވެ.
#momentsofdhadak #dhadak trailer coming shortly!!!!!! The magic of immortal love begins……presenting JANHVI and ISHAAN !!!!! @ShashankKhaitan film releases 20th JULY 2018 #dhadak pic.twitter.com/y8ll68edV7
— Karan Johar (@karanjohar) June 7, 2018
އަނެއްކޮޅުން މި ފިލްމްގައި ޖާންވީއާ އެކު ބަތަލުގެ ރޯލުން ފެނިގެން ދާނީ ޝާހިދު ކަޕޫރްގެ ކޮއްކޮ އިޝާން ކައްތަރު އެވެ. އެކަމަކު މިއީ އޭނާގެ ފުރަތަމަ ފިލްމެއް ނޫނެވެ.
އިޝާންގެ ފުރަތަމަ ފިލްމަކީ އީރާންގެ ޑައިރެކްޓަރު މާޖިދު މާޖިދީ ދާދި ފަހުން ގެނެސް ދިން "ބިޔޯންޑް ދަ ކްލައުޑްސް" އެވެ. އެކަމަކު ގިނަ ބަޔަކު "ދަޅަކް" ސިފަ ކުރަނީ އިޝާންގެ ފުރަތަމަ ބޮލީވުޑް ފިލްމްގެ ގޮތުގަ އެވެ.
"ދަޅަކް" އަކީ 2016 ގައި ރިލީޒް ކުރި މަރާޓީ ފިލްމް "ސައިރާތު" އަށް ބިނާކޮށް ހަދާފައިވާ އަސަރު ގަދަ ލޯބީގެ ފިލްމެކެވެ.