އައިލެންޑް އޭވިއޭޝަން (އައިއޭއެސް) އިން ތ. ތިމަރަފުށި އެއާޕޯޓަށް ރޭގަނޑު ދަތުރުތައް ފަށައިފިއެވެ.
ތިމަރަފުށީ އެއާޕޯޓަށް މިރޭ ޖެއްސި މޯލްޑިވިއަންގެ މި ފްލައިޓުން ތިމަރަފުށީ ދާއިރާ އަށް ވާދަކުރައްވާ އަބްދުﷲ ރިޔާޒު އާއި ދައުލަތުގެ ބައެއް ވަޒީރުންގެ އިތުރުން އައިލެންޑް އޭވިއޭޝަންގެ އިސްވެރިން ވެސް ތިމަރަފުއްޓަށް ވަޑައިގެންނެވިއެވެ.
Inaugural night landing at Thimarafushi Airport #TMF #Maldivian #NationalAirline https://t.co/jy3f9976d1 pic.twitter.com/TzrL03Q6Ba
— Maldivian (@MaldivianAero) January 15, 2019
ތިމަރަފުށީގެ އެއާޕޯޓު ހުޅުވާފައިވަނީ ކުރީގެ ރައީސް މުހައްމަދު ވަހީދުގެ ސަރުކާރުގައި 2013 ވަނަ އަހަރުއެވެ. އެއާޕޯޓުގެ މަސައްކަތް ފަށާފައިވަނީ 2012 ވަނަ އަހަރުގެ މެއި މަހުއެވެ.
މި އެއަރޕޯރޓް ތަރައްޤީ ކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާއި ހަވާލު ކޮށްގެންނެވެ. މި މަސައްކަތް ހަވާލުކުރީ 32 މިލިއަން ރުފިޔާއަށެވެ.