ސ. ހިތަދު ހިޔާލީގެ ހުސެއިން ސިމާދު މަރުވީ ކަރަންޓު ދަންތުރައިގައި ޖެހިގެން ކަމަށް ބެލެވޭ ކަމަށް އެކްޓިން ޕޮލިސް ކޮމިޝަނަރު މުހައްމަދު ހަމީދު ވިދާޅުވެއްޖެއެވެ.
ގއ.ވިލިނގިލީގައި ދިރިއުޅެމުން އަންނަ ސިމާދު މަރުވެފައިވަނީ މިދިޔަ ހަފްތާގެ އާދީއްތަ ދުވަހުއެވެ.
އެ މަރުގެ މައްސަލައާ ގުޅޭގޮތުން އެކްޓިން ސީޕީ ހަމީދު މިއަދު ކުރެއްވި ޓްވީޓެއްގައި ވިދާޅުވީ ފުލުހުން ހޯދި ހޯދުންތަކުން ސިމާދު މަރުވީ ކަރަންޓު ދަތުރައިގައި ޖެހިގެން ކަމަށް ބެލެވޭ ކަމަށެވެ. އަދި ދުރާރާ އެންގުމެއް ނެތި މީހުންގެ ފުރާނައަށް ނުރައްކާވާ ގޮތަށް ސަލާމަތީ ފިޔަވަޅުތައް ނޭޅުއްވުމަށް ވެސް ހަމީދު ވަނީ އިލްތިމާސް ކުރައްވާފައެވެ.
Investigative findings in the case of Hussain Simad of GA Vilingili, Dhethandimaage, suggest the cause of death to be electrocution. We urge the public to not take measures in property protection, that are likely to put one’s life in danger, especially without due notice.
— Mohamed Hameed (@M_Hameedh) February 25, 2019
ސިމާދުގެ މަރުގެ މަައްސަލަ ތަހްގީގުކުރުމަށް ފުލުހުންގެ ހާއްސަ ޓީމެއް ވިލިނގިއްޔަށް ގޮސްފައިވާއިރު މި މައްސަލައާ ގުޅިގެން އަދި މީހަކު ހައްޔަރުކޮށްފައެއް ނުވެއެވެ.
ސިމާދުގެ ހަށިގަނޑު އެންމެ ފުރަތަމަ ފެނިފައިވަނީ ސަފާރީ ބަނުމަށް ހަދާފައި ހުރި ހަރުގެ ބަލަހައްޓާ މީހާއަށް ކަމަށްވާއިރު އެމަރުގެ ރިޕޯޓު އެރަށު ފުލުހުންގެ މަރުކަޒަށް ކުރީވެސް އެމީހާއެވެ. ފުލުހުން މިހާރު ވަނީ އޭނާގެ ބަޔާނެއް ނަގާފައެވެ.