ރިޔާސީ އިންތިޚާބަށް ތިމަރަފުށީ ދާއިރާއަށް ކުރިމަތިލައްވާފައިވާ ޢަބްދުﷲ ރިޔާޒްގެ ނަން ނެގުމަށް އެ ދާއިރާއަށް ދެން ކުރިމަތިލައްވާފައިވާ ކެންޑިޑޭޓް އަދި މިހާރުވެސް އެ ގޮނޑި ފުރުއްވަމުން ގެންދަވާ މުހައްމަދު މުސްތަފާ ގޮވާލައްވައިފިއެވެ.
މުސްތަފާ ކުރެއްވި ޓްވީޓްގައި ވަނީ ޢަބްދުﷲ ރިޔާޒްގެ ނަން ނެންގެވުމަށް ގޮވާލައްވާ އެެއީ ބޭކާރުކުރާ ވޯޓެއްކަމަށް ވިދާޅުވެފައެވެ.
Abdullar Riyaz ge nan negumah govaalan, Baagee Riyaz ah dhey vote aky beykaaru kuraa vote eh! Allah ge heyo Rahmathaa eku Faseyha kamaa eku Thimarafushee dhaairaage gondi nagaanan!!
— Mohamed Musthafa (@Thimarafushi) March 14, 2019
"ޢަބްދުﷲ ރިޔާޒްގެ ނަން ނެގުމަށް ގޮވާލަން، ބާޣީ ރިޔާޒަށް ދެވޭ ވޯޓަކީ ބޭކާރުކުރާ ވޯޓެއް! ﷲގެ ހެޔޮ ރަޙުމަތާއެކު ފަސޭހަކަމާއެކު ތިމަރަފުށީ ދާއިރާގެ ގޮނޑި ނަގާނަން!!" މުސްތަފާ ވިދާޅުވިއެވެ.
ތިމަރަފުށީ ދާއިރާގެ ގޮނޑިއަކީ ވަރަށް ވާދަވެރި ގޮނޑިއަކަށް މިފަހަރު ވަނީ ވެފައެވެ. ޢަބްދުﷲ ރިޔާޒް އަދި މުސްތަފާގެ ކޯޅުން ދަނީ ދުވަހެއް ދުވަހަކަށް ގަދަވަމުންނެވެ. ވަރަށް ޔަގީން ކަމާއެކު މި ގޮނޑި ލިބޭނެ ކަމަށް ފަށްފަށުން މުސްތަފާ ދަނީ ވިދާޅުވަމުންނެވެ. ބަހުގެ ހަމަލާތައް ސޯޝަލް މީޑިއާގައި ދަނީ އަމާޒު ކުރަމުންނެވެ. އިންތިޚާބު އައިސް މިވަނީ ބޯމަތިވެފައެވެ. ވީއިރު ރައްޔިތުންގެ ކެންޑިޑޭޓަކަށް ކަނޑައެޅީ ކޮން ބޭފުޅެއްކަން ވޯޓަށްފަހު އެނގިގެންދާނެއެވެ.