ދިވެހިން ގިނަ އަދަދަކަށް ދިރިއުޅޭ ނިއުޒީލެންޑްގެ ސިޓީއެއް ކަމަށްވާ ކްރައިސްޓް ޗާޗުގައި ދެ މިސްކިތަކެއް ކަމަށްވާ ލިން ވުޑް މަސްޖިދު އަދި އަލް ނޫރު މަސްޖިދުގައި ހަމަލާތަކެއް ދީ ގިނަ ބަޔަކު މަރާލުމާއި ގުޅިގެން އެ ޓެރަރިސްޓް ހަމަލާ ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ކުށްވެރިކުރައްވައިފިއެވެ.
މިއަދު އެ މަނިކުފާނު ކުރެއްވި ޓްވީޓެއްގައި ވަނީ އެ ފިނޑި ހަމަލާތައް ކުށްވެރިކުރައްވާ އެފަދަ ތަހުޒީބު މުޖުތަމައުތަކުގައި އެކަހަލަ ޓެރަރިޒަމް އަމަލުތަކަށް ޖާގައެއް ނެތްކަމަށް ވިދާޅުވެފައެވެ.
Our thoughts and prayers are with the victims, their loved ones and the entire New Zealand community following the horrific mosque shootings in Christchurch today. Terrorism and bigotry have no place in civilized society and I condemn this cowardly act in the strongest of terms.
— Ibrahim Mohamed Solih (@ibusolih) March 15, 2019
އަޅުގަނޑުމެންގެ ހެޔޮދުއާތައް ވަނީ މިއަދު ކްރައިސްޓް ޗާޗުގައި ދެވުނު ބިރުވެރި ހާދިސާގެ ޝިކާރައަކަށްވި ފަރާތްތަކާއި އެ ފަރާތްތަކުގެ އާއިލާތަކާއި އެކުގައި ކަމަށް ރައީސް ސޯލިހް ވަނީ ވިދާޅުވެފައެވެ. އަދި އެ ޓެރަރިސްޓް ފިނޑި ހަމަލާ ހަރުކަށި އިބާރާތުން ކުށްވެރިކުރައްވާ ކަމަށް ވެސް އެ މަނިކުފާނު ވަނީ ވިދާޅުވެފައެވެ.
އަދި މިހާތަނަށް ބެލިބެލުމުން އެއްވެސް ދިވެއްސަކަށް ކަމެއްވިކަން އެނގިފައިނުވާ ކަމަށާއި އެހެން ނަމަވެސް އެކަން ވަރަށް ގާތުން ބަލަމުންދާ ކަމަށް ފޮރިން މިނިސްޓްރީގެ ޑިރެކްޓާ އޮފް ކޮމިއުނިކޭޝަން މިއުވާން މުހައްމަދު މިއަދު ވަނީ ވިދާޅުވެފައެވެ.