ރެއާލް މެޑްރިޑުގެ ޖަރުމަނު މިޑްފީލްޑަރު ޓޯނީ ކްރޫސް އެ ކްލަބުގައި އިތުރު ހަތަރު އަހަރު މަޑުކުރުމަށް ކޮންޓްރެކްޓް އާކޮށްފި އެވެ.
ރެއާލްގެ ކޮންޓްރެކްޓް އާކުރުމުން އުމުރުން 29 އަހަރުގެ ކްރޫސް އެ ކްލަބުގައި 2023 ވަނަ އަހަރާ ހަމައަށް ހުންނާނެއެވެ.
2014 ވަނަ އަހަރު ޖަރުމަނުގެ ގައުމީ ޓީމާއެކު ވޯލްޑް ކަޕް ވެސް ކާމިޔާބުކޮށްފައިވާ ކްރޫސް ރެއާލް އަށް ބަދަލުވީ 2014 ވަނަ އަހަރު ބަޔާން މިއުނިކުންނެވެ. ކްރޫސް އަކީ ރެއާލްގެ މެދުތެރޭގައި މުހިއްމު ދައުރެއް މިހާރު އަދާކުރަމުން އަންނަ ކުޅުންތެރިއެކެވެ.
މިހާތަނަށް ރެއާލަށް 233 މެޗު ކުޅެދީފައިވާ ކްރޫސް ވަނީ ރެއާލްގައި ހޭދަކުރި ފަސް އަހަރުގެ ތެރޭ އެ ކްލަބާއެކު 11 ތަށްޓެއް ކާމިޔާބުކޮށްފައެވެ.