ކޮމިއުނިކޭޝަން، ސައިންސް އެންޑް ޓެކްނޮލޮޖީގެ ސްޓޭޓް މިނިސްޓަރު ކަމުގެ މަގާމުން މުހައްމަދު ޝާފިއީ އިސްތިއުފާ ދެއްވައިފިއެވެ.
ޝާފިއީ ރޭ ކުރެއްވި ޓްވީޓެއްގައި ވިދާޅުވީ ކުރީގެ ސަރުކާރުން ކޮރަޕްޝަނަށް މަގުފަހިވާ ގޮތަށް ދީފައިވާ ސޮފްޓްވެއާ ޕްރޮޖެކްޓެއް މި ސަރުކާރުން ވެސް ކުރިއަށް ގެންދަން ނިންމާފައިވާތީ އެކަމުގެ ކަންބޮޑުވުން ފާޅުކުރި ނަމަވެސް އެކަމަށް ހައްލެއް ލިބިފައިނުވާ ކަމަށެވެ.
"ސަރުކާރުން މި މައްސަލަ އާއި ދެންވެސް ފާޅުކުރި ކަންބޮޑުވުންތަކަށް އަޅާލާފާ ނުވުމުން މަގާމުން އިސްތިއުފާ ދީފިން" ޝާފިއީ ވިދާޅުވިއެވެ.
Since the government refused to address this, and indeed all other concerns I raised, I have resigned from the role of Minister of State. I saw no reason to keep drawing a salary when matters I escalated kept getting swept under the rug.
Now to engage public discourse… https://t.co/GO1NXJb9NE
— Mohamed Shaafiee (@shaafiee) June 20, 2019
ކޮމްޕިއުޓާ ސައިންސްގެ ދާއިރާއިން ޕީއެޗްޑީ ހާސިލްކުރައްވާފައިވާ ޝާފިއީ އެ މިނިސްޓްރީގެ ސްޓޭޓް މިނިސްޓަރަކަށް އައްޔަން ކުރެއްވީ މިދިޔަ އަހަރުގެ ޑިސެމްބަރު މަހުގެ ތެރޭގައެވެ.
ޝާފިއީ އެ މަގާމުން އިސްތިއުފާ ދެއްވިއިރު، އެ މިނިސްޓްރީގެ ސްޓޭޓް މިނިސްޓަރުންގެ ގޮތުގައި އިތުރު ދެ ބޭފުޅަކު އެބަ ތިއްބެވިއެވެ. އެއީ އަލީ ސޯލިހާއި އަހުމަދު އަފްޒަލް އިބްރާހިމްއެވެ.