ދަރިވަރުންތަކަކަށް ޖިންސީ ގޯނާކުރި މައްސަލާގައި ހައްޔަރުކުރި ދިވެހި ލީޑިން ޓީޗަރުގެ ބަންދަށް 10 ދުވަސް ޖަހައިފިއެވެ.
އުމުރުން 46 އަހަރުގެ އެ ޓީޗަރުގެ ބަންދަށް 10 ދުވަސް ޖަހާފައިވަނީ ބަންދާ މެދު ގޮތެއް ނިންމުމަށް މިއަދު ކޯޓަށް ހާޒިރު ކުރުމުންނެވެ.
މެދުރާއްޖެތެރޭގެ ރަށެއްގެ ސްކޫލެއްގައި މަސައްކަތްކުރާ އެ ޓީޗަރު ވަނީ އެ ސްކޫލްގެ އަންހެން އަދި ފިރިހެން ކުދިންތަކަކަށް އެކި ދުވަސްމަތިން ޖިންސީ ގޯނާކޮށްފައެވެ. އެ މައްސަލައެއްގައި ކޯޓު އަމުރެއްގެ ދަށުން އޭނާ ހައްޔަރުކުރީ މިއަދުއެވެ.
އަދި މި މައްސަލައިގެ މައުލޫމާތު އެޑިއުކޭޝަން މިނިސްޓްރީ އަށް އިއްޔެ ހިއްސާކޮށްފައިވާނެ ކަމަށްވެސް ފުލުހުން ބުނެއެވެ.
ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.