ދައުލަތުގެ ފައިސާ އާއި މުދަލަށް ހިޔާނާތްތެރިވުމުގެ މައްސަލަތައް ބެލުމަށް އުފައްދާފައިވާ ކޮމިޝަނާއި ގޮތް ނޭނގޭ މަރުތަކުގެ މައްސަލަތައް ބެލުމަށް އުފައްދާފައިވާ ކޮމިޝަނަށް ބާރު ދޭ ބިލު ރައީސް އިބްރާހިމް މުހައްމަދު ސޯލިހު މިއަދު ތަސްދީގު ކުރައްވައިފިއެވެ.
މި ބިލު ތަސްދީގު ކުރެއްވިކަން ރައީސް އޮފީހުގެ ތަރުޖަމާނު އިބްރާހިމް ހޫދު ވަނީ ކަށަވަރުކޮށްދެއްވާފައެވެ.
President @ibusolih has today ratified the Bill on Presidential Commissions. The Act is a key pledge of the President and would empower the Commission on Deaths and Disappearances and Commission on Corruption and Asset Recovery to fulfill their mandates. pic.twitter.com/3m85mo44nN
— Mabrook Azeez (@MvSpokesperson) June 24, 2019
ކޮމިޝަންތަކަށް ބާރުތައް ދިނުމުގެ ބިލު މަޖިލީހުން ފާސްކުރީ މިދިޔަ ބުދަ ދުވަހު ބޭއްވި ޖަލްސާގައެވެ. އެ ބިލު ފާސްކުރީ 67 މެމްބަރުންގެ ވޯޓާއެކުއެވެ.
މި ބިލު ސަރުކާރު ފަރާތުން ހުށަހެޅުއްވީ އަލިފުށި ދާއިރާގެ މެންބަރު މުހައްމަދު ރަޝީދު ހުސައިން (ބިގޭ) އެވެ.
މި ބިލުން ކޮމިޝަންތަކަށް ދިނުމަށް ނިންމާފައިވާ ބާރުތަކުގެ ތެރޭގައި މީހުން ހާޒިރު ކުރުމާއި ބަޔާން ނެގުމާއި ބަލާ ފާސް ކުރުމަށް ކަމާ ބެހޭ މުއައްސަސާތަކަށް އެންގުން ހިމެނެއެވެ.
ދެ ކޮމިޝަނަށް ބާރު ދިނުމުގެ ބިލް 18 ވަނަ މަޖިލީހަށް ވެސް ހުށަހެޅިއެވެ. ނަމަވެސް 18 ވަނަ މަޖިލީހުގައި ސަރުކާރަށް ތާއީދުކުރާ ޕާޓީތަކަށް މެޖޯރިޓީ އޮތް ނަމަވެސް ބައެއް މެމްބަރުންގެ ފަރާތުން އެއްބާރުލުން ނުލިބުމުގެ ސަބަބުން އެ ބިލު ވަނީ އޭރު ފާސްކުރެވޭ ގޮތް ނުވެފައެވެ.