ރައްޔިތުންގެ މަޖިލީހުގެ އިންފޮމޭޝަން އޮފިސަރުގެ މަގާމަށް ބޭފުޅަކު ހަމަޖައްސައިފިއެވެ.
މައުލޫމާތު ހޯދައި ލިބިގަތުމުގެ ހައްގުގެ ގާނޫނަށް އަމަލުކުރުމުގެ ގޮތުން އެ ގާނޫނުގެ 36 ވަނަ މާއްދާގެ ދަށުން ދައުލަތުގެ ކޮންމެ އިދާރާއެއްގައި އިންފޮމޭޝަން އޮފިސަރުން ތިބެންޖެހެ އެވެ.
އެގޮތުން މަޖިލީހުގެ އިންފޮމޭޝަން އޮފިސަރުގެ މަގާމަށް ހަމަޖައްސާފައިވަނީ، ސީނިއަރ މީޑިއާ އޮފިސަރ އަޙްމަދު މާން އައްސަދެވެ.
މަޢުލޫމާތު ހޯދައި ލިބިގަތުމުގެ ޙައްޤުގެ ޤާނޫނުގެ 36 ވަނަ މާއްދާގެ (ހ)ގެ ދަށުން އައްޔަންކުރަންޖެހޭ، ރައްޔިތުންގެ މަޖިލީހުގެ އިންފޮމޭޝަން އޮފިސަރުގެ މަޤާމަށް މިއަދުން ފެށިގެން ސީނިއަރ މީޑިއާ އޮފިސަރ އަލްފާޟިލް އަޙްމަދު މާން އައްސަދު ހަމަޖައްސަވައިފި pic.twitter.com/2JnSlgsRfX
— People's Majlis (@mvpeoplesmajlis) June 24, 2019
މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ 36 ވަނަ މާއްދާގައި ރައްޔިތުންނަށް މައުލޫމާތު ދޫކުރުމުގެ މަސްއޫލިއްޔަތު އުފުލާނެ އިންފޮމޭޝަން އޮފިސަރެއް ނުވަތަ އިންފޮމޭޝަން އޮފިސަރުން ދައުލަތުގެ ކޮންމެ އިދާރާއެއްގައި އެ އިދާރާގެ އެންމެ އިސްވެރިޔާ ކަނޑައަޅަންޖެހޭ ކަމަށް ބުނެފައިވެ އެވެ.
އަދި އެ އިންފޮމޭޝަން އޮފިސަރު ނުވަތަ އެ އިންފޮމޭޝަން އޮފިސަރުންގެ ނަމާއި މަގާމާއި އޭނާއާ ނުވަތަ އެ ބަޔަކާއި ގުޅޭނެ ގޮތް ރައްޔިތުންނަށް ވީހާވެސް ފުޅާދާއިރާއެއްގައި އާންމުކޮށް ލިބޭނެމަގު ފަހިކޮށްދިނުމަށް ވެސް މިމާއްދާގައި ލާޒިމްކޮށްފައިވެ އެވެ.