މިއަދު ތަސްދީގު ކުރެވުނު ރިޔާސީ ކޮމިޝަންތަކަށް ބާރުދޭ ބިލަކީ އިންސާފައި ތެދުވެރިކަމަށް ވާސިލު ވުމަށް މަގު ފަހިވުމަށް އެޅުނު ފިޔަވަޅެއްކަމަށް ރައީސް އިބްރާހީމް މުހައްމަދު ޞާލިހް ވިދާޅުވެއްޖެއެވެ.
ރައީސް އިބްރާހިމް މުހައްމަދު ސޯލިހު މިއަދު ތަސްދީގު ކުރައްވާފައިވާ ބިލުތަކަކީ، ދައުލަތުގެ ފައިސާއާއި މުދަލަށް ހިޔާނާތްތެރިވުމުގެ މައްސަލަތައް ބެލުމަށް އުފައްދާފައިވާ ކޮމިޝަނާއި ގޮތް ނޭނގޭ މަރުތަކުގެ މައްސަލަތައް ބެލުމަށް އުފައްދާފައިވާ ކޮމިޝަނަށް ބާރު ދޭ ބިލެވެ.
އެ ބިލު ތަސްދީގު ކުރެއްވުމަށްފަހު ރައީސް ކުރެއްވި ޓްވީޓެއްގައި ވަނީ މިއީ ކޮމިޝަންތަކުގެ ބިލަކީ އިންސާފަށް ވާސިލުވުމަށް އެޅުނު ފިޔަވަޅެއް ކަމަށް ވިދާޅުވެފައެވެ.
I am pleased to annouce that I have signed the Presidential Commissions Act today, empowering the Commissions on Corruption and Asset Recovery and on Deaths and Dissapearances. With this step the Maldives moves forward in our quest to deliver truth and justice to all Maldivians.
— Ibrahim Mohamed Solih (@ibusolih) June 24, 2019
ކޮމިޝަންތަކަށް ބާރުތައް ދިނުމުގެ ބިލު މަޖިލީހުން ފާސްކުރީ މިދިޔަ ބުދަ ދުވަހު ބޭއްވި ޖަލްސާގައެވެ. އެ ބިލު ފާސްކުރީ 67 މެމްބަރުންގެ ވޯޓާއެކުއެވެ.
މި ބިލު ސަރުކާރު ފަރާތުން ހުށަހެޅުއްވީ އަލިފުށި ދާއިރާގެ މެންބަރު މުހައްމަދު ރަޝީދު ހުސައިން (ބިގޭ) އެވެ.
މި ބިލުން ކޮމިޝަންތަކަށް ދިނުމަށް ނިންމާފައިވާ ބާރުތަކުގެ ތެރޭގައި މީހުން ހާޒިރު ކުރުމާއި ބަޔާން ނެގުމާއި ބަލާ ފާސް ކުރުމަށް ކަމާ ބެހޭ މުއައްސަސާތަކަށް އެންގުން ހިމެނެއެވެ.
ދެ ކޮމިޝަނަށް ބާރު ދިނުމުގެ ބިލް 18 ވަނަ މަޖިލީހަށް ވެސް ހުށަހެޅިއެވެ. ނަމަވެސް 18 ވަނަ މަޖިލީހުގައި ސަރުކާރަށް ތާއީދުކުރާ ޕާޓީތަކަށް މެޖޯރިޓީ އޮތް ނަމަވެސް ބައެއް މެމްބަރުންގެ ފަރާތުން އެއްބާރުލުން ނުލިބުމުގެ ސަބަބުން އެ ބިލު ވަނީ އޭރު ފާސްކުރެވޭ ގޮތް ނުވެފައެވެ.