ދިވެހި ބަހުގެ އެކަޑަމީން އުރުދޫ ބަހާއި ސާންސްކްރިތް ބަސް ދަސްކޮށްދިނުމުގެ ކޯސްތަކެއް ހިންގަން ނިންމައިފިއެވެ.
މި ކޯސްތައް ކުރިޔަށް ގެންދިޔުމުގެ ބޭނުމަކީ މި ދެބަހުގެ އަދަބުގެ މުއްސަނދިކަމުގެ ތެރެއިން ދިވެހި އަދަބިއްޔާތަށް އިތުރު ފަހި ކަމެއް ލިބުމަށް މަގުފަހިކޮށްދިނުންކަމަށް ބަހުގެ އެކަޑަމީން ވިދާޅުވެއެވެ.
މި ކޯސްތައް ފެށުމަށް ހަމަޖެހިފައިވަނީ އަންނަ މަހުގައެވެ.
އުރުދޫ ބަސް ދަސްކޮށްދިނުމަށް ހިންގުމަށް ހަމަޖެހިފައިވަނީ އެޑްވާންސް ކޯހެކެވެ. އަދި ސާންސްކްރިތް ބަސް ދަސްކޮށްދިނުމަށް ހިންގުމަށް ހަމަޖެހިފައިވަނީ ބޭސިކް ކޯހެކެވެ. މި ކޯސްތަކުގެ މުއްދަތަކީ 5 މަސްދުވަހެވެ.