ސަރުކާރުގެ ކުންފުނިތަކުގެ ކަންކަން ބެލެހެއްޓުމުގެ ޒިންމާ އަދާކުރާ ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މުހައްމަދު ނިޒާރު އިސްތިއުފާ ދެއްވައިފިއެވެ.
ޕީސީބީގެ ރައީސްގެ މަގާމުގައި ހުންނެވި ނިޒާރު މިއަދު ކުރެއްވި ޓްވީޓެއްގައި ވަނީ އެ ބޯޑުން އިސްތިއުފާ ދެއްވިކަން ހާމަކުރައްވާފައެވެ.
I have removed my tie after 5 years 26 days at Privatization & Corporatization Board. This totals to 34 years of service to the Nation. Thanks to all the government's, special thanks to PCB board members, @sceraj Siraj & his team who has worked to bring PCB to this level. pic.twitter.com/CeBqosnRWH
— Mohamed Nizar (@nixaar) August 20, 2019
ޕީސީބީން ނިޒާރު އިސްތިއުފާ ދެއްވާފައި މިވަނީ އެ ބޯޑު އަލުން އެކުލަވާލަން ރައީސް އިބްރާހިމް މުހައްމަދު ސޯލިހަށް ލަފާ އެރުވުމަށް ރައްޔިތުންގެ މަޖިލިހުން ފާސްކޮށްފައިވާ ދަނޑިވަޅެއްގައެވެ.
ޕީސީބީ ބޯޑު މެމްބަރުން ވަކިކުރުމާއި އައްޔަން ކުރުމުގެ ބާރު ލިބެނީ ރައީސަށެވެ.
ނިޒާރު އެ ބޯޑުން އިސްތިއުފާ ދެއްވުމުން މިހާރު އެ ބޯޑުގައި ތިއްބެވީ މެމްބަރު އަލީ ވާސިފް، މެމްބަރު އަޝްރަފް އަލީ، މެމްބަރު ހުސެއިން އަލީ ހަބީބް އަދި މެމްބަރު އަލީ ޝުޖާއުއެވެ.