ފުލުހުން ހިންގި އޮޕަރޭޝަނެއްގައި 61 ކިލޯގެ ޑްރަގް ހޯދައި 11 ދިވެހިން ހައްޔަރުކޮށްފި އެވެ.
ކޮމިޝަނަރ އޮފް ޕޮލިސް މުހައްމަދު ހަމީދު މިއަދު ކުރެއްވި ޓްވީޓެއްގައި ވިދާޅުވީ ފުލުހުންގެ ޑްރަގް އިންޓެލިޖެންސް ޑިޕާޓްމަންޓާއި ޑްރަގް އެންފޯސް ޑިޕާޓްމަންޓާއި މެރިން ޕޮލިސް އިން ހިންގި އޮޕަރޭޝަނެއްގައި މަސް ދޯންޏަކުން އަތުލައިގެންފައިވަނީ 61.06 ކިލޯގެ ހެރޮއިން ކަމަށެވެ. މިތަކެތީގެ އަގު 72 މިލިއަން ރުފިޔާއަށް އަރާ ކަމަށްވެސް ސީޕީ ވިދާޅުވިއެވެ.
After 9 days of good police work, our Drug Intelligence, Operations team of DED and Marine Police have successfully seized 61.06 kgs of heroin (valued approx.MVR 72 million) and arrested 11 Maldivians (7 on a fishing vessel and 4 from Male’ and HulhuMale’). #highimpactcrime pic.twitter.com/BBqZdSSVV3
— Mohamed Hameed (@M_Hameedh) March 26, 2020
މިމައްސަލައިގައި 11 ދިވެއްސަކު ހައްޔަރުކޮށްފައިވާއިރު މީގެ ތެރެއިން 7 މީހުން ހައްޔަރުކޮށްފައިވަނީ މަސް ދޯނިން ކަމަށާއި އަނެއް 4 މީހުން ހައްޔަރުކޮށްފައިވަނީ ހުޅުމާލެއިން ކަމަށް ސީޕީ ހަމީދު ވިދާޅުވިއެވެ.
ފުލުހުން އަންނަނީ މި މައްސަލަ އިތުރަށް ތަހުގީގު ކުރަމުންނެވެ.