ސިޔާސީ ގޮތުން ހިޔާލުތަފާތުވާ އިރަށް އެމްއެމްޕީއާރްސީއޭ ކިޔަސް ބިރެއް ނުގަންނާނެ ކަމަށް އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެއެވެ.
ރޮޒެއިނާ މިހެން ވިދާޅުވެފައިމިވަނީ އެމްއެމްޕީއާރްސީގެ ބޮޑު ހިޔާނާތުގައި އޭނާ ބައިވެރިވެފައިވާ ކަމަށް ބުނެ ބައެއް ފަރާތްތަކުން ސޯޝަލް މީޑިއާގައި ރޮޒެއިނާ އަށް ތުހުމަތުތަކެއް ކުރަން ފެށުމާ ގުޅިގެންނެވެ.
އެކަމާ ގުޅިގެން ރޮޒެއިނާ ވިދާޅުވީ 18 ވަނަ ރައްޔިތުންގެ މަޖިލީހަށް އެމްއެމްޕީއާރްސީގެ މައްސަލަ ބަލަން ހުށަހެޅި އޭނާ ކަމަށާއި، އެމްއެމްޕީއާރްސީން އޭނާ ކޮށްފައި އޮތް ވައްކަމެއް ނޯންނާނެ ކަމަށެވެ. އަދި މިހާރުވެސް އެދެނީ ވީހާވެސް އަވަހަކަށް މި މައްސަލަ ބަލައި ނިންމަން ކަމަށްވެސް ރޮޒެއިނާ ވިދާޅުވިއެވެ.
"ސިޔާސީ ގޮތުން ހިޔާލު ތަފާތުވާ އިރަށް އެމްއެމްޕީއާރްސީއޭ ކިޔާފައި ފަށައިގަސް ބިރެއް ނުގެންނާނެ" ރޮޒެއިނާ ވިދާޅުވިއެވެ.
18 vana rayyithunge majleehah MMPRC ge massala balan husha elhee alhugandu.
Alhugandu MMPRC in koffa oi vakkameh noannaane. Mihaaruves mi edhenee veehaaves avahah mi massala balaa nimman.
Siyaasee gothun hiyaalu thafaathu vaa irah MMPRC ey kiyaafa fashaigathas bireh nugannaane! pic.twitter.com/hfRsrTgNBd— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) May 22, 2020
ރޮޒެއިނާ މިހެން ވިދާޅުވިއިރު ކުރީގެ ސަރުކާރުތަކުން ހިންގި ކޮރަޕްޝަނާއި ހިޔާނާތުގެ މައްސަލަތައް ބަލަން ރައީސް އިބްރާހިމް މުހައްމަދު ސޯލިހު ވަނީ ކޮމިޝަނެއް އުފައްދަވާފައެވެ. ވެރިކަމުގެ ކުރީކޮޅު ރައީސް އުފެއްދެވި އެ ކޮމިޝަނުން މިހާތަނަށް އެކަމާ ގުޅޭގޮތުން އެއްވެސް ރިޕޯޓެއް ނެރެފައެއް ނުވެއެވެ. ނަމަވެސް އެ ކޮމިޝަންގެ ފުރަތަމަ ޑްރާފްޓް ނިންމައި ރައީސް އަށް މިހާރު ވަނީ ފޮނުވާފައެވެ.
އެމްއެމްޕީއާރްސީގެ ހިޔާނާތަކީ މިހާތަނަށް ރާއްޖޭގެ ތާރީޚުން ފެނުނު އެންމެ ބޮޑު ޚިޔާނާތެވެ. އޮޑިޓް އޮފީހުން ބެލިބެލުމުން އެމްއެމްޕީއާރްސީގެ ތެރެއިން 1.2 ބިލިއަން ރުފިޔާގެ ހިޔާނާތް ވަނީ ހިންގާފަ އެވެ.