ހޮސްޕިޓަލުގައި އެޑްމިޓްކޮށްފައިވާ މަޝްހޫރު ދީނީ އިލްމުވެރިޔާ ޑރ.ބިލާލް ފިލިޕްސްގެ ހާލުކޮޅު ކުރިއަށް ވުރެ ރަނގަޅުވެއްޖެއެވެ.
ހާލުކޮޅު ދެރަވެ ޑރ.ބިލާލް ހޮސްޕިޓަލުގައި އެޑްމިޓްކުރީ މިދިޔަ ބުރާސްފަތި ދުވަހުއެވެ. އެގޮތުން ހޮސްޕިޓަލުގައި ބިލާލް އޮންނެވީ އޮކްސިޖަން ސަޕޯޓުގައެވެ.
ޑރ.ބިލާލްގެ ރަސްމީ ޓްވިޓާ އެކައުންޓުން މިއަދު ކުރި ޓްވީޓެއްގައި ބިލާލް އަންނަނީ ރަނގަވަމުން ކަމަށާއި އެގޮތުން ކުރިއަށް ވުރެ މިހާރު ހާލުކޮޅު ރަނގަޅުވެފައިވާ ކަމަށެވެ. އަދި ވަރަށް އަވަހަށް ހޮސްޕިޓަލުން ދޫކޮށްލާނެ ކަމަށާއި ހުރިހާ ފަރާތްތަކުގެ ދުއާގައި އަދިވެސް ބިލާލް ހިމެނުއްވުމަށް ވެސް ވަނީ އެދިފައެވެ.
"ހުރިހާ ފަރާތްތަކުން ވެސް އަދިވެސް ބިލާލް އަށް ދުއާކޮށްދިނުން ކުރިއަށް ގެންދިޔުން އެދެން" އެ ޓްވީޓުގައި ބުނެފައިވެއެވެ.
Because of your dua and with the will of Allah (SWT) our beloved and honorable chancellor Dr. Bilal Philips is recovering and feeling much better. He will be discharged soon from the hospital بإذن الله تعالى. We request from you to continue making dua for him. Barak Allah feekum. https://t.co/1cBdlguCNP
— Dr. Bilal Philips (@DrBilalPhilips) October 17, 2020
ޑރ.ބިލާލް އަކީ ރާއްޖެ އަށް ވެސް އެތައް ފަހަރެއްގެ މަތިން ވަޑައިގެން ދަރުސްތަކެއް ދެއްވާފައިވާ ފަރާތެކެވެ. އަދި އިސްލާމީ މަރުކަޒުގައި އިނގިރޭސި ބަހުން ހުކުރު ހުތުބާ ވެސް ދެއްވާފައިވެއެވެ.