ހދ. ހަނިމާދޫގެ މަގުތައް ޒަމާނީ ފެންވަރަކަށް ހެދުމުގެ މަޝްރޫޢުގެ 70 ޕަސެންޓު މަސައްކަތް ނިމިފައިވާ ކަމަށް އެމްޓީސީސީން ބުނެފިއެވެ.
އެމްޓީސީސީގެ އިސްވެރިން މިއަދު ވަނީ ހަނިމާދޫ އަށް ވަޑައިގެން މި މަޝްރޫއުގެ މަސައްކަތް ކުރިއަށްދާ ގޮތް ބައްލަވާލައްވާފައެވެ.
CEO @adamazim & Minister of State for NPHI @Akramkdeen inspects the progress of Hdh. Hanimaadhoo Road Project. The scope of the project includes laying asphalt on 6km road with road markings, construction of sidewalks and storm water mngt system. Overall project progress 70%. pic.twitter.com/2O6m4UihAT
— MTCC Plc (@MTCCPlc) October 24, 2020
މި ޕްރޮޖެކްޓް ތެރެއިން އުޅަނދު ދުއްވުމަށް މަގުގެ 38،916 އަކަ މީޓަރ ސަރަހައްދެއް ގައި ތާރުއަޅާ އަދި 16،518 އަކަ މީޓަރ ޕޭވްމަންޓް ނިންމުމަށް ހަމަޖެހިފައިވާއިރު، ފެންހިންދުމުގެ ނިޒާމުގެ މަސައްކަތާއި މަގު ބައްތި ދިއްލުމަށް ބޭނުންވާ ނަރު އެޅުމާއި، މަގުބައްތި ހަރުކުރުމާއި، 19،679 އަކަ މީޓަރުގެ ސަރަޙައްދެއްގައި ޓްރެފިކް ނިޝާންތައް ކުރެހުމާއި، ޓްރެފިކް ނިޝާން ހަރުކުރުމަށްވެސް ވަނީ ހަމަޖެހިފައެވެ.
މި މަޝްރޫއުގެ ދަށުން ހަނިމާދޫގެ 18 މަގެއްގައި ތާރުއަޅައިގެން ތަރައްގީކުރުމަަށް ވަނީ ހަމަޖެހިފައެވެ. އެމްޓީސީސީއިން ބުނީ 46.7 މިލިއަން ރުފިޔާ ހަރަދުކޮށްގެން ހިންގާ މި ޕްރޮޖެކްޓް 240 ދުވަހުގެ ތެރޭގައި ނިމޭނެ ކަމަށް ލަފާކުރެވޭ ކަމަށެވެ.