އަވަށްޓެރި އިންޑިއާގެ އެހީގައި ރާއްޖޭގެ 11 ރަށެއްގައި ޕާކު އެޅުމަށް ނިންމައިފިއެވެ.
މިކަން އިއުލާން ކުރެއްވީ ޔޫތު މިނިސްޓަރު އަހުމަދު މަހުލޫފު ކުރެއްވި ޓްވީޓެއްގައެވެ. ޕާކް އަޅަން ނިންމާފައިވާ ރަށްތަކަކީ ކ.މާފުށި، އއ.ފެރިދޫ، އދ.މަހިބަދޫ، އދ.ހަންޏާމީދޫ، އދ.ދިއްދޫ، އދ.މަންދޫ، ވ.ފުލިދޫ، ވ.ކެޔޮދޫ، މ.މުލި، މ.މުލަށް، މ.ކޮޅުފުށި
މަހުލޫފު ކުރެއްވި ޓްވީޓެއްގައި ވިދާޅުވީ 11 ރަށެއްގައި އިންޑިއާ ސަރުކާރުގެ ހިލޭ އެހީގެ ދަށުން ޕާކް އެޅުމަށް ނިންމާފައިވާ ކަމަށެވެ.
މީގެކުރިންވެސް ބައެއް ރަށްތަކުގައި ޕާކުތައް އެޅުމަށް ކުންފުނިތަކަށް ހަވާލުކޮށްފައިވެއެވެ. އަދި ބައެއް ރަށްތަކުގައި ކަސްރަތު ކުރާނެ ސަރަހައްދުތައް ވެސް ވަނީ ގާއިމްކޮށްފައެވެ.