މާދަމާ ފާހަގަކުރާ ޖުމްހޫރީ ދުވަހުގެ މުނާސަބަތުގައި، ރައީސް އިބްރާހީމް މުހައްމަދު ސޯލިހު ދިވެހި ގައުމާ މުހާތަބު ކުރެއްވުމަށް ނިންމަވައިފިއެވެ.
ރައީސް އޮފީހުން މިއަދު ބުނީ ރައީސް ސޯލިހު ގައުމާ މުހާތަބު ކުރައްވާނީ ގައުމީ ދުވަހުގެ ހެނދުނު 10:00 ޖަހާއިރު ޚަބަރު ފަތުރާ ވަސީލަތްތައް މެދުވެރިކުރައްވައި ކަމަށެވެ.
ޖުމްހޫރީ ދުވަހަކީ ސަރުކާރު ބަންދު ދުވަހެއް ކަމަށްވާއިރު، އަންނަ ބުރާސްފަތި ދުވަހަކީ ވެސް ސަރުކާރު ބަންދު ދުވަހެއްގެ ގޮތުގައި ވަނީ ހަމަޖައްސާފައެވެ.
ކޮވިޑް-19 އާއި ގުޅިގެން މިއަހަރުގެ ޖުމްހޫރީ ދުވަހުގެ ރަސްމީ ޖަލްސާ ނުބާއްވަން ނިންމާފައިވާއިރު، ކޮވިޑާއި ގުޅިގެން މިނިވަން ދުވަހުގެ މުނާސަބަތުގައި ކޮންމެ އަހަރަކުވެސް ބާއްވަވަމުން ގެންދާ ހަފްލާތަކާއި ގައުމީ ދުވަހުގެ ރަސްމީ ޖަލްސާ ވެސް މިއަހަރު ބާއްވާފައެއް ނުވެއެވެ.