ޝަންގްރިއްލާ ރިސޯޓު އޮޑިޓްކުރަންޖެހޭ ކަމަށާއި ފައިދާ ނުވުމަކީ އަރަތެއް ކަމަށް މާފަންނު މެދު ދާއިރާ މެންބަރު އިބްރާހީމް ރަޝީދު (ބޮންޑެ) ވިދާޅުވެއްޖެއެވެ.
ބޮންޑޭ ކުރެއްވި ޓްވީޓެއްގައި ވިދާޅުވީ ސަރުކާރުގެ 30 ޕަސެންޓް ހިއްސާ އޮންނަ އައްޑޫ ވިލިނގިލި ރިސޯޓުން ސަރުކާރުގެ ހިއްސާއަށް 10 އަހަރުވީއިރު ލޯލާރިއެއް ވެސް ނުދީ މުވައްޒަފުންތައް ވެސް މިދަނޑިވަޅު ކަނޑާލާފައިވާ ކަމަށެވެ.
"ރިސޯޓު މަސްފެކްޓަރީއެއްގައި ސަރުކާރު ހިއްސާއެއް އޮވެއްޖެ ނަމަ ފައިދާ ނުވުމަކީ އަރަތެއް. އޮޑިޓްކުރަން ޖެހޭ ތަނެއް" ބޮންޑޭ ވިދާޅުވިއެވެ.
ސަރުކާރުގެ 30% ހިއްސާ އޮންނަ އައްޑޫ ވިލިނގިލި ރިސޯޓުން ސަރުކާރުގެ ހިއްސާއަށް 10 އަހަރުވީއިރު ލޯލާރިއެއް ވެސް ނުދީ މުއައްޒަފުންތައްވެސް މިދަނޑިވަޅު ކަނޑާލީއެވެ! ، ރިސޯޓު މަސްފެކްޓަރީއެއްގައި ސަރުކާރު ހިއްސާއެއް އޮވެއްޖެ ނަމަ ފައިދާ ނުވުމަކީ އަރަތެކެވެ! އޮޑިޓްކުރަން ޖެހޭތަނެއް ! pic.twitter.com/xEyXEvmdfE
— Ibrahim Rasheed (@BondeM4) December 5, 2020
ކޮވިޑް-19 އާއި ގުޅިގެން ވިޔަފާރި އަށް ކުރި ނޭދެވޭ އަސަރުތަކުގެ ސަބަބުން ޝަންގްރިއްލާ ރިސޯޓު ބަންދުކުރަން މިދިޔަ އޮގަސްޓު މަހުގެ ތެރޭގައި ވަނީ ނިންމާފައެވެ.
ޝަންގްރިއްލާ ރިސޯޓު ބަންދުކުރިއިރު އައްޑޫގައި ހިންގަމުން އަންނަ ކެނަރީފް ރިސޯޓު ވެސް ވަނީ ކޮވިޑާއި ގުޅިގެން ކުރިމަތިވި ގޮންޖެހުންތަކާއެކު ދެ އަހަރު ދުވަހަށް ބަންދުކުރަން ނިންމާފައެވެ. މި ދެ ރިސޯޓުގައި ވެސް އައްޑޫގެ ގިނަ އަދަދެއްގެ މުވައްޒަފުން މަސައްކަތް ކުރެއެވެ.
ސަރުކާރުން އަންނަނީ ކޮވިޑާއި ގުޅިގެން ވަޒީފާ ގެއްލުނު ފަރާތްތަކަށް ކޮންމެ މަހަކު 5000 ރުފިޔާގެ އެލަވެންސެއް ދެމުންނެވެ.