މާލޭގެ މަގުމައްޗަކަށް ވެއްޓިފައި އޮތް ދިވެއްސަކަށް ފަރުވާދެމުންދަނިކޮށް މަރުވެއްޖެއެވެ.
ފުލުހުން ބުނީ ދެވިނާމަގުގައި އުމުރުން 44 އަހަރުގެ ދިވެހި ފިރިހެނަކު ވެއްޓިފައި އޮތް ކަމުގެ މައުލޫމާތު މިއަދު މެންދުރު 14:03 ހާއިރު ލިބިފައިވާ ކަމަށެވެ.
އެގޮތުން ފުލުހުން އެ ސަރަހައްދަށް ގޮސް ޕޮލިސް ވެހިކަލުގައި އެމީހާ އައިޖީއެމްއެޗަށް ގެންދިޔައިރު، އެމީހާ މަރުވެފައިވަނީ އައިޖީއެމްއެޗުގައި ފަރުވާދެމުންދަނިކޮށް ކަމަށް ފުލުހުން ބުނެއެވެ.
މި ހާދިސާއާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުންނެވެ.