އަދުލު އިންސާފުގެ ނިޒާމުގައި މައްސަލަތައް ހުރި ނަމަވެސް ޑްރަގް ޓްރެފިކް ކުރުން ހުއްޓުވަން ފުލުހުން ކުރާ މަސައްކަތް ކުރިއަށްގެންދާނެ ކަމަށް ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވެއްޖެއެވެ.
ސީޕީ މިހެން ވިދާޅުވީ މިއަދު މާލޭގައި ފުލުހުން ކުރިއަށްގެންދިޔަ ޑްރަގުގެ ބޮޑު އޮޕަރޭޝަނާއި ގުޅިގެން ކުރެއްވި ޓްވީޓެއްގައެވެ.
އެގޮތުން ސީޕީ ހަމީދު ވިދާޅުވީ މި އޮޕަރޭޝަނުގައި 71 ކިލޯގެ ހެރޮއިން އަތުލައިގެންފައިވާ ކަމަށާއި އެ ތަކެތީގެ މަގުމަތީ އަގު 71 މިލިއަން ރުފިޔާ އަށް އަރާނެ ކަމަށެވެ. އަދުލު އިންސާފުގެ ނިޒާމުގައި މައްސަލަތައް ހުރި ނަމަވެސް ޑްރަގް ޓްރެފިކް ކުރުން ހުއްޓުވަން ކުރާ މަސައްކަތް ކުރިއަށްގެންދާނެ ކަމަށްވެސް ސީޕީ ވިދާޅުވިއެވެ.
Seized approximately 71 kgs of heroin that would have a street value of MVR 71 million. Here is a photo of 4 packets out of 71 we found in 4 bags in the car. Despite deficiencies in the criminal justice system, we will continue to disrupt the trafficking of narcotic drugs. pic.twitter.com/HpoBR3V1RV
— Mohamed Hameed (@M_Hameedh) December 8, 2020
ފަރީދީ މަގުގެ ބައެއް ބަންދުކޮށްގެން ފުލުހުން ކުރިއަށްގެންދިޔަ މި އޮޕަރޭޝަނުގައި ޖުމްލަ 10 މީހަކު ވަނީ ހައްޔަރުކޮށްފައެވެ.
ރާއްޖޭގައި ޑްރަގް ޓްރެފިކް ކުރުން ހުއްްޓުވަން ފުލުހުން ވަނީ ފަހަަކަށް އައިސް ގިނަ އޮޕަރޭޝަންތަކެއް ހިންގައި ގިނަ އަދަދެއްގެ ޑްރަގް އަތުލައިގަނެ، ތުހުމަތު ކުރެވޭ އެތައް ބަޔަކު ހައްޔަރުކޮށްފައެވެ. ނަމަވެސް ކޯޓާއި ހިސާބުން އެމީހުން ދޫވުމަކީ އާއްމުންގެ ބޮޑު ޝަކުވާ އެކެވެ.
އެގޮތުން މިއަހަރުގެ ސެޕްޓެމްބަރު މަހުގެ 14 ވަނަ ދުވަހު މާލެއިން އެއް ކިލޯއަށް ވުރެ ގިނަ މަސްތުވާތަކެއްޗާއިއެކު ހައްޔަރު ކޮށްފައިވާ ފަސް މީހަކު ދޫކޮށްލަން ކްރިމިނަލް ކޯޓުން ދާދިފަހުން ވެސް ވަނީ އަމުރުކޮށްފައެވެ.