ކޮވިޑް-19 ފެތުރުން ހުއްޓުވަން އެއް މާސްކުގެ ބަދަލުގައި ދެ މާސްކު އެޅުން ރަނގަޅު ކަމަށް އެމެރިކާގެ ނޭޝަނަލް އިންސްޓްޓިއުޓް އޮފް އެލާޖީ އެންޑް އިންފެކްޝަސް ޑިޒީޒްގެ ޑިރެކްޓަރު ޑރ. އެންތަނީ ފައުޗީ ވިދާޅުވެއްޖެއެވެ.
އެންބީސީ ނިއުސްގެ "ޓުޑޭ" ޕްރޮގްރާމްގައި ވާހަކަދައްކަމުން ފައުޗީ ވިދާޅުވީ އެއް ލޭޔަރުގެ މާސްކެއްގެ މަތިން އިތުރު ލޭޔަރެއްގެ އެޅުމަކީ ހަމަޖެހޭ އަދި ބަލި ފެތުރުން ހުއްޓުވުމަށް ވެސް އެހީވެދޭނެ ކަމެއް ކަމަށެވެ.
"އެހެންވެގެން އެ ފެންނަނީ މީހުން ދެ މާސްކު އަޅައިގެން އުޅޭތަން" ފައުޗީ ވިދާޅުވިއެވެ.
ފައުޗީ މިހެން ވިދާޅުވި ނަމަވެސް ދެ މާސްކު އަޅައިގެން އުޅުމަށް އެމެރިކާގެ ސެންޓާސް ފޯ ޑިޒީޒް ކޮންޓްރޯލް އެންޑް ޕްރިވެންޝަން (ސީޑީސީ) އިން އަދި މިހާތަނަށް އިލްތިމާސްކޮށްފައެއް ނުވެއެވެ. ނަމަވެސް އެމެރިކާގެ ހެލްތު އޮފިޝަލުން ވަނީ ތިން ލޭޔަރުގެ ފޮތި މާސްކު ނުވަތަ އެން95 ގެ މާސްކު އެޅުމަށް އިލްތިމާސްކޮށްފައެވެ.
What's the best way to wear your mask? 😷
Scientific studies have found a double layer of fabric and surgical masks are the most effective in filtering out particles.
📷AFP pic.twitter.com/nn0cFW6hhU— Philstar.com (@PhilstarNews) January 20, 2021
އެންބީސީން ބުނާގޮތުން އެންމެފަހުގެ ދިރާސާތައް ދައްކާ ގޮތުން ގިނަ ލޭޔަރު އެކުލެވޭ މާސްކުން ބަލި ފެތުރުން 70 ޕަސެންޓަށް ކުޑަކޮށްދެއެވެ. އަދި އެން95 މާސްކު އެޅުމުން ބަލި ފެތުރުން 95 ޕަސެންޓަށް ކުޑަކޮށްދޭއިރު އެ ދޭތި އެއްކޮށްލުމުން އޭގެ ނަތީޖާ މާބޮޑަށް ވެސް ރަނގަޅު ވާނެ ކަމަށް ދިރާސާތަކުން ދައްކައެވެ.
އެމެރިކާގެ ރައީސް ޖޯ ބައިޑެން މިދިޔަ ހަފްތާގައި ނެރުއްވި އަމުރަކުން އެގައުމުގައި މާސްކު އެޅުން މިހާރު ވަނީ މަޖުބޫރުކޮށްފައެވެ.